Ke kolo ko, Yave osadila Kintinu kiandi mu fokola e mpasi zeto. Wantu bafwete wá e nsangu zazi zambote. Yesu wazola vo alandi andi basamuna e nsangu zazi kwa wantu awonso. (Matai 28:19, 20) Aweyi Mbangi za Yave besadilanga e salu kiaki Yesu kabavana?

1. Aweyi e sono kia Matai 24:14 kilunganenanga omu lumbu yeto?

Yesu wasakula vo: “E nsangu zazi zambote za Kintinu zisamunua mu nza yawonso.” (Matai 24:14) Mbangi za Yave bena ye kiese wau besalanga e salu kiaki kiamfunu. Besamunanga e nsangu zambote mu nza yawonso mu vioka 1.000 dia ndinga. Ngolo ye nkubika zambote divavanga muna sala e salu kiaki kiampwena. Kondwa kwa lusadisu lwa Yave, ke tulendi sala salu kiaki ko.

2. Nkia ndekwa tusadilanga mu sila umbangi kwa wantu?

Tusilanga umbangi muna konso fulu tulenda solola o wantu. Nze Akristu a tandu kiantete, tusilanga umbangi “mu nzo ye nzo.” (Mavangu 5:42) E ndekwa zazi zikutusadisanga mu sila umbangi kwa ulolo wa wantu konso mvu. Tusilanga mpe umbangi muna fulu ya ndonga, kadi ezak’e ntangwa o wantu ke bewanukanga mu nzo zau ko. Tusadilanga konso lau tubakidi muna mokena ye akaka mu kuma kia Yave ye makani mandi.

3. Aki nani bena ye mbebe ya samuna e nsangu zambote?

Akristu awonso akieleka bena ye mbebe ya samuna e nsangu zambote kw’akaka. Tubadikilanga e salu kieto vo kiamfunu kikilu. Muna kuma kiaki, tuvanganga mawonso tulenda mu lungisa salu kiaki, kadi tuzeye wo vo kilenda vuluza mioyo mia wantu. (Tanga 1 Timoteo 4:16.) Ke tufutwanga nzimbu ko muna salu kiaki, kadi Bibila kivovanga vo: “Ngovo nutambwidi, ngovo nuvana.” (Matai 10:7, 8) Ke wantu awonso ko betambulwilanga e nsangu tusamunanga. Kansi, tukwamanananga sila umbangi, kadi vava tuvanganga wo tulemvokelanga Yave yo kunyangidika.

ZAYA DIAKA MANKAKA

4. Tuvanganga ngolo za sila umbangi kwa wantu awonso

VIDEO: Samun’e Nsangu Zambote “Yakuna Nsuk’a Nza” (7:33)

• Nkia diambu disivikisi muna ngolo bevanganga e Mbangi za Yave mu sila umbangi kwa wantu?

Tanga Matai 22:39 ye Roma 10:13-15, i bosi, vana e mvutu za yuvu eyi:

• Aweyi e salu kia samuna e nsangu zambote kisongelanga vo tuzolanga e mfinangani zeto?

• Aweyi Yave kemwenanga awana besamunanga e nsangu zambote? Tala tini kia 15.

5. Tusalanga kumosi yo Nzambi

Mambu mayingi mevangamanga mesonganga vo Yave ofilanga e salu kieto. Muna bonga e nona, kuna Nova Zelândia, mpangi mosi una ye nkumbu Paul wawanana yo nkento mosi, ekolo kasilanga umbangi mu nzo ye nzo muna mwini. Muna mene, o nkento ndioyo wasamba kwa Nzambi, wasadila nkumbu andi, Yave. Walomba vo Yave katuma muntu kenda kunsadisa kimana kanzaya. Paul wavova vo: “Ola tatu kaka zavioka, yalwaka kuna nzo andi.”

Tanga 1 Korinto 3:9, i bosi, vana e mvutu za kiuvu eki:

• E diambu mpangi Paul kawanana diau kuna Nova Zelândia, aweyi disongelanga vo Yave ofilanga e salu kia umbangi?

Tanga Mavangu 1:8, i bosi, vana e mvutu za kiuvu eki:

• Ekuma tuvuididi lusadisu lwa Yave o mfunu muna sala e salu kia umbangi?

Nga ozeye?

Muna tukutakanu tweto twa kati kwa lumingu, tulongwanga ndekwa za sila umbangi kwa wantu. Avo olungananga yeto muna tukutakanu, aweyi omwenanga e ndekwa tulongwanga za sila umbangi?

6. Tulemvokelanga nkanikinu a Nzambi wa sila umbangi

Muna tandu kiantete, mbeni zavava sima alandi a Yesu bayambula sila umbangi kwa wantu. Akristu batanina o nsw’au wa sila umbangi yo “sikidisa e nsangu zambote.” (Filipi 1:7) Idiau mpe Mbangi za Yave bevanganga omu lumbu yeto.a

VIDEO: Tanina e Nsangu Zambote Kuna Kw’akwa Wisa (2:28)

Tanga Mavangu 5:27-42, i bosi, vana e mvutu za kiuvu eki:

• Ekuma ke tuyambulwilanga sila umbangi ko?—Tala e tini kia 29, 38 ye 39.

MAMBU MASINA MA LONGI DIADI

Yesu wakanikina alandi andi vo basamunanga e nsangu zambote mu zula yawonso. Yave osadisanga nkangu andi mu sala e salu kiaki.

Nkia Mambu Olongokele?

• Aki nani besamunanga e nsangu zambote mu nza yawonso?

• Aweyi e salu kieto kia umbangi kisongelanga vo tuzolanga akweto?

• Nga obenze vo e salu kia sila umbangi kilenda kututwasila kiese? Ekuma?

TALA MPE OMA MALENDE

Zaya una Mbangi za Yave besilanga umbangi kwa wantu bezingilanga muna mbanza zanene.

Salu kia Sila Umbangi Vana Fulu kia Ndonga Kuna Paris (5:11)

Tala mambu Mbangi za Yave bevanganga muna sadisa mintayila mia vita.

Besadisanga Mintayila mia Vita mu Lungisa e Nsatu Zau za Mwanda (5:59)

Tala nkento mosi oyikanga e kiese kemonanga wau kekukivananga emvimba muna salu kia umbangi.

E Salu Yasola Kiese Kikilu Kikumpananga (6:29)

Zaya e nzengo zamfunu zibakwanga kuna Mbazi a nkanu ezi zikutusadisanga twakala ye luvevoko lwa samuna e nsangu zambote.

“Ateleki a Kintinu Banete Mfundu Kuna Mbazi a Nkanu” (Kintinu kia Nzambi mu Yala Kina!, kapu kia 13)

Yesu wavova vo Akristu bafwete vubwa. (Tanga Matai 28:19, 20.) Kansi, o luvubu aweyi luvangamenanga? Nkia mambu o muntu kafwete lungisa vitila kavubwa?

1. O luvubu aweyi luvangamenanga?

O mvovo “vubwa” mu mvovo wa Kingerekia watuka una ye nsasa vo “dimunua” muna maza. Vava Yesu kavubwa, wadimunua muna Nkoko a Yodani, i bosi, ‘watomboka muna maza.’ (Maku 1:9, 10) Nze i Yesu, Akristu akieleka vava bevubwanga bedimunuanga muna maza.

2. Vava muntu kevubwanga, adieyi kesonganga?

Vava muntu kevubwanga, osonganga vo oyekwele kala zingu kiandi kwa Yave wa Nzambi. Aweyi o muntu keyekolwelanga zingu kiandi? Vitila kavubwa, osambanga kwa Yave vo yandi kazolele sadila yakwele mvu. Osianga nsilu vo Yave kaka kesambila yo sia luzolo lwandi vana fulu kiantete muna zingu kiandi. ‘Okuyivaninanga o nkalu yo . . . kwamanana landa’ malongi ye mbandu a Yesu. (Matai 16:24) O kukiyekola yo luvubu lukumvananga e lau dia kala ye kikundi kiambote yo Yave ye asambidi akaka a Yave.

3. Nkia mambu o muntu kafwete vanga vitila kavubwa?

Vitila wavubwa ofwete longoka mambu matadidi Yave yo kala yo lukwikilu lwasikila muna yandi. (Tanga Ayibere 11:6.) Ekolo zayi waku uwokelanga yo lukwikilu lwaku lukumamanga, o zola kwaku mpe muna Yave kuwokela. Kalukatikisu ko vo, okala yo luzolo lwa samuna mambu ma Yave yo lemvokela e nkanikinu miandi. (2 Timoteo 4:2; 1 Yoane 5:3) Vava muntu kesonganga muna zingu kiandi vo ozolele ‘yangidika Yave muna mawonso,’ obakanga nzengo za kukiyekola kwa Nzambi yo vubwa.—Kolosai 1:9, 10.a

ZAYA DIAKA MANKAKA

4. Mana tulenda longoka muna luvubu lwa Yesu

Muna zaya mayingi mu kuma kia luvubu lwa Yesu, tanga Matai 3:13-17. I bosi, vana e mvutu za yuvu eyi:

• Nga Yesu mwan’a nsedia kakala vava kavubwa?

• Aweyi kavubilwa, nga maza kaka kasiwa vana ntu?

Vava Yesu kavubwa, wayantika e salu kiamfunu kavewa kwa Nzambi. Tanga Luka 3:21-23 ye Yoane 6:38, i bosi, vana e mvutu za kiuvu eki:

• Vava Yesu kavubwa, nkia salu kasia vana fulu kiantete muna zingu kiandi?

5. O luvubu i kani diamfunu olenda lungisa

E ngindu za kukiyekola kwa Yave yo vubwa zilenda kumwesa wonga. Kansi, ekolo olongokanga mambu mayingi mu kuma kia Yave yo sadila mana kevovanga, ediadi dikuvana unkabu mu baka e nzengo zazi zamfunu. Muna zaya awana bavanga wo kala, tala e VIDEO.

VIDEO: Aweyi Tulenda Siamisina Kikundi Kieto yo Yave? (1:11)

Tanga Yoane 17:3 ye Yakobo 1:5, i bosi, vana e mvutu za kiuvu eki:

• Adieyi dilenda sadisa muntu mu kala wakubama muna vubwa?

1. Tukukiyekolanga vava tuvovesanga Yave muna sambu vo yandi tuzolele sadila yakwele mvu

2. Vava tuvubwanga, tusonganga vo tuyekwele kala zingu kieto kwa Nzambi

6. Vava tuvubwanga tukotanga muna kanda dia Yave

Vava tuvubwanga tukotanga muna kintwadi kia wan’a ngudi mu nz’amvimba. Kanele vo tuzingilanga mu nsi zaswaswana ye kisi nsi kiaswaswana, yeto awonso tukwikilanga yo lemvokela mambu mau mamosi. Tanga Nkunga 25:14 ye 1 Petelo 2:17, i bosi, vana e mvutu za kiuvu eki:

• Avo muntu ovubilu, nkia mpila kikundi kekalanga kiau yo Yave ye asambidi andi ankaka?

MAMBU MASINA MA LONGI DIADI

Yesu walonga vo Akristu bafwete vubwa. Muna lungisa diambu diadi diamfunu, o muntu kafwete kwikila muna Yave, lemvokela nkanikinu miandi yo kukiyekola kwa yandi.

Nkia Mambu Olongokele?

• O luvubu aweyi luvangamenanga? Ekuma lwinina o mfunu?

• Nkia ngwizani ina vana vena kukiyekola yo vubwa?

• Nkia mambu o muntu kafwete vanga vitila kakiyekola yo vubwa?

TALA MPE OMA MALENDE

O luvubu adieyi lusonganga ye adieyi ke lusonganga ko?

“Nki i Luvubu?” (Longi dina muna jw.org)

Zaya mana o muntu kafwete lungisa muna vubwa.

“O Zola yo Luyangalalu Muna Yave Kufilanga Muntu Muna Vubwa” (Eyingidilu dia Malusu, 2020)

Zaya diambu diafila muntu mosi mu vubwa.

“Bazola vo Yafimp’e Ludi Mono Kibeni” (Eyingidilu dia 1 dia Fevelelo, 2013)

Zaya e kuma luvubu lunina se kani diambote olenda kuyisila ye una olenda kubamena mu lungisa kani diadi.

“Devo me Batizar?” (Os Jovens Perguntam—Respostas Práticas, Volume 2, kapu kia 37)