“E Kintinu Kiaku Kiza”—Sambu Kivutukilwanga kwa Wantu Ayingi
Nga wasamba kala vo e Kintinu kia Nzambi kiza? Se vioka mvu miayingi, ndonga bevutukilanga e mvovo emi: “E Kintinu kiaku kiza.” Ekuma bevutukilanga e sambu kiaki? Kadi Yesu wavovesa alongoki andi vo basambanga mu kuma kia Kintinu kia Nzambi.
Kuna lubantiku, alandi a Yesu ke babakula mawonso ko kavova o Yesu mu kuma kia Kintinu. Lumbu kimosi bayuvula Yesu vo: “E Mfumu, nga mu ntangwa yayi ovutula kintinu kwa Isaele?” Nanga basivika wau vo Yesu kabazayisa ntangwa yasikididi ko ikwiza e Kintinu kia Nzambi. (Mavangu 1:6, 7) Nga ediadi disongele vo ke tulendi zaya ko kana nki i Kintinu kia Nzambi ye ntangwa kikwiza? Ke wau ko!
Eyingidilu diadi dikusadisa mu solola e mvutu za yuvu ilende:
Ekuma tuvuididi e Kintinu kia Nzambi o mfunu?
Nani i Ntinu a Kintinu kia Nzambi?
Nkia ntangwa e Kintinu kia Nzambi kiyala e nza?
E Kintinu kia Nzambi nkia mambu kilungisa?
Ekuma ofwete yikamena e Kintinu kia Nzambi owau?
Nki i Kintinu kia Nzambi?