“Tala, ntaudi ame ona yasola, nzolw’ame, ona ngiangalele! O mwand’ame muna yandi isia wo, okiesesa unsongi kwa zula. Ke tantana ko, ngatu kaza, ke muntu ko owa nding’andi muna nzila zampwena. E tutu diabosoka ke tolola dio ko, e vusu difwitanga ke zima dio ko, yavana kesunda muna sikidisa unsongi. Kieleka, e zula besia nkumbu andi e vuvu.”—Matai 12:18-21; Yesaya 42:1-4.

Yesu osamunanga mpe nsangu za lufiaulwisu kw’awana bena nze tutu diabosoka, difumbamene. Bena nze vusu difwitanga, se dizima. Yesu ke tolola tutu diafumbama ko ngatu zima e vusu difwitanga. Vana fulu kiavanga wo, Yesu okasakesanga alembami kuna zola kwawonso yo walakazi. Kieleka, Yesu i muntu olenda bundwa e vuvu kwa wantu a nza yawonso.