3. (a) O yima e “mbongo a mwanda” aweyi ditwasilanga nkembo kwa Nzambi? (b) Nkia yuvu tubadika?

³ E fu ina mwand’avelela keyimanga isonganga kiwuntu kia Yave wa Nzambi una vo i Tuku dia mwanda wau. (Kol. 3:9, 10) Yesu wasonga ekuma Akristu bafwete sila e ngolo za tanginina Nzambi vava kavovesa alongoki andi vo: “Muna wau mukembeselw’o S’ame, ovo mbongo yingi nuyima.”a (Yoa. 15:8) Ekolo tuyimanga “mbongo a mwanda,” ediadi dimoneka muna mvovo ye mavangu meto yo twasa nkembo kwa Nzambi eto. (Mat. 5:16) Muna nkia mpila e mbongo a mwanda iswaswanene ye fu ya nza ya Satana? Aweyi tulenda yimina e mbongo a mwanda? Ekuma dilenda kadila diampasi muna vanga wo? Tubadika yuvu yayi vava tufimpa e fu tatu yantete ya mbongo a mwanda, i sia vo, zola, kiese yo luvuvamu.