8. Adieyi tutanganga muna Yuda 24 disonganga vo kiese kikalanga kun’ezulu vava kuswa kefwanga ye kwikizi?

⁸ Dialudi, Akristu akwikizi akuswa bevavanga vo Nzambi kabatanina muna konso diambu dilenda kubates’esakuba yo kubafila ku lufwasu. Bena ye vuvu vo Yesu Kristu osinga kubafula muna mafwa nze vangwa yalunga ya mianda yo kubasunzula ye kiese kiawonso vana ndose a Nzambi. Ka lukatikisu ko, vava Nkristu akuswa kefwanga ye kwikizi, ‘ofulwanga se to kiamwanda,’ kia ‘lembi wola . . .  muna wete.’ (1 Kor. 15:42-44) Wau vo ‘kiese kiayingi kikalanga kun’ezulu muna diambu dia nsumuki mosi ovilukilu o ntima,’ yindula kiese kikalanga kun’ezulu vava mpangi akuswa a Kristu kefwanga ye kwikizi. (Luka 15:7) Yave ye vangwa ya mianda ya kwikizi beyangalalanga kumosi ye konso kuswa otambwidi nsendo andi.—Tanga 1 Yoane 3:2.

“MPUNGU-VUVU” KIA MAMEME MAKAKA