Luvevoko lw’Esivi Kuna Ntwala

11. Nkia mpila luvevoko bevwa awana besala yo moyo muna mpasi zayingi?

¹¹ Vava zimanisa e mpasi zayingi ye vava Armangedo yiveleles’o ntoto mu vempola yimpumbulu o Satana kekala diaka “nzambi a tandu kiaki” ko. Asambidi a Yave ke benwana diaka yo umpukumuni wambi wa Satana ko. (2 Korinto 4:4; Lusengomono 20:1, 2) E nsambila za luvunu ke zisokela diaka Yave luvunu ko ngatu vambanisa diaka kintwadi kia wantu. E selo ya Nzambi aludi ke bebangikwa diaka kwa ayadi alembi songa ko. Nkia mpila luvevoko lusinga kala!

12. O wantu awonso aweyi bevevokela mun’esumu ye mpasi ditwasanga?

¹² O Yesu wa “Mwan’ememe a Nzambi, on’okatul’esumu dia nza” osadila e nluta miawonso mia kimenga kiandi muna sukisa esumu yo lufwa muna wantu. (Yoane 1:29) Vava kakal’ova ntoto o Yesu waloloka esumu dia muntu, oyandi wawuka mpe o muntu ndioyo mu songa eziku vo unlolokele. (Matai 9:1-7; 15:30, 31) Diau adimosi mpe kevang’o Kristu Yesu wa Ntinu a Kintinu kia Nzambi kun’ezulu, owuka ampofo, mababa, afwa matu, ana bazengok’o malu yovo moko, akwa yimbevo ya ntu, ye yakaka mpe. (Lusengomono 21:3, 4) Alemvoki awonso bevevoka muna “nsiku esumu” muna kuma kiaki e ngindu zau zawonso ye mavangu mau mekubayangidika yo yangidika mpe Nzambi. (Roma 7:21-23) Kuna mfoko Ezunda dia Mvu oyau belungiswa yo lwaka muna ‘mpwa ye fwaniswa’ kia Nzambi mosi kaka aludi.— Etuku 1:26.

13. Kuna mfoko a Luyalu lw’Ezunda dia Mvu o Kristu adieyi kevanga, ye nkia ndandu?

¹³ Vav’o Kristu kekitula wantu awonso se alunga, otambika e wisa kavewa muna salu kiaki kw’eS’andi: “[o]yekol’e kintinu kwa Nzambi w’Ese; vava kevwa tumbula kuluntu wawonso, ye wisa yawonso, ye nkuma. Yala keyala kaka, yavana kevwa vindakes’atantu awonso kunansi a malu mandi.” (1 Korinto 15:24, 25) O Luyalu lwa Kintinu lw’Ezunda dia Mvu lulungisa mvimba ekani diandi; ozevo, luyalu lwalu ke lukala diaka mfunu ko vana vena Yave yo wantu. Wau vo esumu yo lufwa lufokolwa emvimba, o wantu bevevolwa mu mpasi zawonso, o mfunu wa kinkûdi kia Yesu ufokoka. O Nkand’a Nzambi usonganga vo: “I bosi, o Mwana yandi kibeni, osakidikwa kwa ndiona wansakidikila lekwa yawonso, o Nzambi kakala wonso muna wonso.”— 1 Korinto 15:28.

14. Nkia lufimpu lufimpwa wantu awonso alunga, mu nkia kuma?

¹⁴ Kuna nima a mama mawonso, wantu alunga bevewa elau dia songa vo e nzengo zau i sadila Nzambi mosi kaka aludi yakwele mvu. Muna kuma kiaki, muna kituka mvimba se wan’andi o Yave ofimpa wantu awaya awonso alunga muna lufimpu lwansuka. O Satana ye nkwiya miandi bevaikiswa muna mbilu. O lufimpu lwalu ke lutwasa mfwilu ko kw’awana bezolanga Yave. Kansi konso ndiona okolamena Yave mu kondwa kwikizi ofwaswa yakwele mvu kumosi yo nkolami antete ye nkwiya miandi.— Lusengomono 20:7-10.

15. Nkia mpila zingu kikala ye vangwa yawonso ya ngangu ya Yave?

¹⁵ O wantu awonso alunga bekuyisia kun’esambu dia kimfumu kia Nzambi muna lufimpu lwaluna o Yave okubatambula se wan’andi. Tuka ntangwa yina, oyau bekala mvimba yo luvevoko lwa nkembo lwa wan’a Nzambi nze kanda dia Nzambi muna nsema wawonso. E vangwa yawonso ya ngangu kun’ezulu yo va ntoto beyikana diaka muna kunsambila nze Nzambi mosi kaka aludi. Ozevo ekani dia Yave dilungana! Nga ozolele kala mosi mun’ekanda diadi dia kiese dizingila yakwele mvu muna nsema wawonso? Avo elo, tuwondelele walemvokela oma kevovanga Nkand’a Nzambi muna 1 Yoane 2:17: “E nza mpe vempoka ivempoka, y’eketo diandi: vo i ndion’ovangang’o luzolo lua Nzambi, zing’aka kezinganga yakwele mvu.”

Luvevoko lw’Esivi Kuna Ntwala

11. Nkia mpila luvevoko bevwa awana besala yo moyo muna mpasi zayingi?

¹¹ Vava zimanisa e mpasi zayingi ye vava Armangedo yiveleles’o ntoto mu vempola yimpumbulu o Satana kekala diaka “nzambi a tandu kiaki” ko. Asambidi a Yave ke benwana diaka yo umpukumuni wambi wa Satana ko. (2 Korinto 4:4; Lusengomono 20:1, 2) E nsambila za luvunu ke zisokela diaka Yave luvunu ko ngatu vambanisa diaka kintwadi kia wantu. E selo ya Nzambi aludi ke bebangikwa diaka kwa ayadi alembi songa ko. Nkia mpila luvevoko lusinga kala!

12. O wantu awonso aweyi bevevokela mun’esumu ye mpasi ditwasanga?

¹² O Yesu wa “Mwan’ememe a Nzambi, on’okatul’esumu dia nza” osadila e nluta miawonso mia kimenga kiandi muna sukisa esumu yo lufwa muna wantu. (Yoane 1:29) Vava kakal’ova ntoto o Yesu waloloka esumu dia muntu, oyandi wawuka mpe o muntu ndioyo mu songa eziku vo unlolokele. (Matai 9:1-7; 15:30, 31) Diau adimosi mpe kevang’o Kristu Yesu wa Ntinu a Kintinu kia Nzambi kun’ezulu, owuka ampofo, mababa, afwa matu, ana bazengok’o malu yovo moko, akwa yimbevo ya ntu, ye yakaka mpe. (Lusengomono 21:3, 4) Alemvoki awonso bevevoka muna “nsiku esumu” muna kuma kiaki e ngindu zau zawonso ye mavangu mau mekubayangidika yo yangidika mpe Nzambi. (Roma 7:21-23) Kuna mfoko Ezunda dia Mvu oyau belungiswa yo lwaka muna ‘mpwa ye fwaniswa’ kia Nzambi mosi kaka aludi.— Etuku 1:26.

13. Kuna mfoko a Luyalu lw’Ezunda dia Mvu o Kristu adieyi kevanga, ye nkia ndandu?

¹³ Vav’o Kristu kekitula wantu awonso se alunga, otambika e wisa kavewa muna salu kiaki kw’eS’andi: “[o]yekol’e kintinu kwa Nzambi w’Ese; vava kevwa tumbula kuluntu wawonso, ye wisa yawonso, ye nkuma. Yala keyala kaka, yavana kevwa vindakes’atantu awonso kunansi a malu mandi.” (1 Korinto 15:24, 25) O Luyalu lwa Kintinu lw’Ezunda dia Mvu lulungisa mvimba ekani diandi; ozevo, luyalu lwalu ke lukala diaka mfunu ko vana vena Yave yo wantu. Wau vo esumu yo lufwa lufokolwa emvimba, o wantu bevevolwa mu mpasi zawonso, o mfunu wa kinkûdi kia Yesu ufokoka. O Nkand’a Nzambi usonganga vo: “I bosi, o Mwana yandi kibeni, osakidikwa kwa ndiona wansakidikila lekwa yawonso, o Nzambi kakala wonso muna wonso.”— 1 Korinto 15:28.

14. Nkia lufimpu lufimpwa wantu awonso alunga, mu nkia kuma?

¹⁴ Kuna nima a mama mawonso, wantu alunga bevewa elau dia songa vo e nzengo zau i sadila Nzambi mosi kaka aludi yakwele mvu. Muna kuma kiaki, muna kituka mvimba se wan’andi o Yave ofimpa wantu awaya awonso alunga muna lufimpu lwansuka. O Satana ye nkwiya miandi bevaikiswa muna mbilu. O lufimpu lwalu ke lutwasa mfwilu ko kw’awana bezolanga Yave. Kansi konso ndiona okolamena Yave mu kondwa kwikizi ofwaswa yakwele mvu kumosi yo nkolami antete ye nkwiya miandi.— Lusengomono 20:7-10.

15. Nkia mpila zingu kikala ye vangwa yawonso ya ngangu ya Yave?

¹⁵ O wantu awonso alunga bekuyisia kun’esambu dia kimfumu kia Nzambi muna lufimpu lwaluna o Yave okubatambula se wan’andi. Tuka ntangwa yina, oyau bekala mvimba yo luvevoko lwa nkembo lwa wan’a Nzambi nze kanda dia Nzambi muna nsema wawonso. E vangwa yawonso ya ngangu kun’ezulu yo va ntoto beyikana diaka muna kunsambila nze Nzambi mosi kaka aludi. Ozevo ekani dia Yave dilungana! Nga ozolele kala mosi mun’ekanda diadi dia kiese dizingila yakwele mvu muna nsema wawonso? Avo elo, tuwondelele walemvokela oma kevovanga Nkand’a Nzambi muna 1 Yoane 2:17: “E nza mpe vempoka ivempoka, y’eketo diandi: vo i ndion’ovangang’o luzolo lua Nzambi, zing’aka kezinganga yakwele mvu.”