-
Nga Nkinzi Miawonso Miyangidikanga Nzambi?Zinga ye Kiese Yakwele Mvu!—Longoka e Bibila
-
-
Tanga Efeso 5:10, i bosi, vana e mvutu za yuvu eyi:
Nkia ziku tufwete kala kiau vava tubakanga nzengo za kembela yovo lembi kembela nkinzi miankaka?
Nkia nkinzi mitoma kembelelwanga muna nsi aku?
Adieyi obenze, nga nkinzi miami Yave miyangidikanga?
Muna bong’e nona, nga wakiyuvula kala kana aweyi Nzambi kebadikilanga e nkinzi mia luwutuku? Bibila ke kiyikanga kana selo kimosi ko kia Yave wakembelela lumbu kia luwutuku lwandi, kansi kiyikanga wantu wole ke basadilanga Yave ko, bakembelela lumbu ya luwutuku lwau. Tanga Tuku 40:20-22 ye Matai 14:6-10. I bosi, vana e mvutu za yuvu eyi:
Nkia mambu mafwanana mavangama muna nkinzi miami?
Landila sono yayi, aweyi Yave kebadikilanga nkinzi a lumbu kia luwutuku?
Kansi, nanga olenda kukiyuvula: ‘Nga Yave okendalala avo nkembelele nkinzi ke mina ngwizani ko ye Bibila?’ Tanga Luvaiku 32:1-8. I bosi, tala e VIDEO yo vana e mvutu za yuvu ilende.
Ekuma dinina diamfunu mu zaya mambu meyangidikanga Yave?
Aweyi tulenda wo vangila?
Aweyi tulenda zayila e nkinzi ke miyangidikanga Nzambi ko?
Nga nkinzi miami nsiku mia Nzambi mikululanga? Toma fimpa e tuku dia nkinzi miami.
Nga mivananga zitu wasaka kwa wantu, nkubika yovo sinsu ya nsi? Oyeto tuluta zitisanga Yave yo bunda vuvu vo yandi kaka ofokola mpasi za wantu.
Nga fu ye mavangu ma wantu muna nkinzi miami, nsiku mia Yave mekululanga? Tufwete kwamanana twavelela muna mavangu.
-
-
Aweyi Olenda Solela e Nsaka Ziyangidikanga Yave?Zinga ye Kiese Yakwele Mvu!—Longoka e Bibila
-
-
LONGI DIA 53
Aweyi Olenda Solela e Nsaka Ziyangidikanga Yave?
Yave i “Nzambi a kiese.” (1 Timoteo 1:11) Ozolele vo twakala ye kiese muna zingu. Oyangalalanga vava tuvaulanga e ntangwa mu vunda. Mu longi diadi, tuzaya una tulenda sadila e ntangw’eto ya vunda mu mpila yambote ilenda yangidika Yave.
1. Nkia diambu tufwete sungamenanga vava tusolanga e nsaka?
Nkia mambu oyangalelanga vanga muna ntangw’a vunda? Akaka bezolanga kala muna nzo yo tanga nkanda, wá miziki, tala filme yovo vavulula muna internete. Vo i ankaka, bezolanga kwenda kangala ye akundi, siensia (tá mansa) yovo bula bale. Konso nsaka tusola, tufwete vanga mawonso kimana nsaka zozo ‘zayangidika Mfumu.’ (Efeso 5:10) Diamfunu twatoma bakula diambu diadi, kadi nsaka zayingi ziyangalelwanga o unu, zazala ye mambu o Yave kemenganga nze nsoki, mavangu ma zumba yovo ma mpandu. (Tanga Nkunga 11:5.) Adieyi dikutusadisa mu sola nsaka zambote?
Avo tusolele akundi ana bezolanga Yave, bekala se mbandu ambote kwa yeto yo kutusadisa mu sola nsaka zambote. Nze una twalongokele muna longi dia 48, “ndiona okangalanga ye nkwa ngangu okala ye ngangu.” Kansi, avo tuvangidi kikundi yo wantu ana ke bezolanga nkanikinu mia Nzambi ko, ‘mpasi tumona.’—Ngana 13:20.
2. Ekuma dinina diamfunu mu kala ye tezo muna ntangwa tuviokesanga muna nsaka?
Kana nkutu vo e nsaka tusolele zambote, tufwete kalanga ye tezo muna ntangwa tuviokesanga. Avo ke wau ko, tulenda fwasa ntangwa yayingi ina tulenda sadila muna mambu masundidi o mfunu. Bibila kikutukasakesanga vo ‘twatoma sadilanga e ntangw’eto.’—Tanga Efeso 5:15, 16.
ZAYA DIAKA MANKAKA
Tala una olenda bakila nzengo zambote mu diambu ditadidi nsaka.
3. Venga nsaka zambi
Ekuma tufwete toma solelanga e nsaka zeto? Tala e VIDEO, i bosi, vana e mvutu za yuvu ilende.
Aweyi e nsaka za lumbu yeto zifwananene ye nsaka zankaka o wantu basakananga kuna Roma?
Nze una omwene muna video, nkia diambu Danny kalongoka mu diambu ditadidi nsaka?
Tanga Roma 12:9, i bosi, vana e mvutu za kiuvu eki:
Aweyi e sono kiaki kilenda kusadisila mu sola nsaka zambote?
Nkia maka mambu Yave kemenganga? Tanga Ngana 6:16, 17 ye Ngalatia 5:19-21. Vava otanga konso sono, vana e mvutu za kiuvu eki:
Nkia mambu mayikilu mu sono yayi metoma monekanga muna nsaka za lumbu yeto?
Yuvu ilenda kusadisa mu sola nsaka zambote
Ukiyuvula:
Nga nsaka zazi zina ye mambu mana Yave kemenganga?
Nga nsaka zazi, ntangwa yayingi zikundia ina ndenda sadila mu mambu masundidi o mfunu?
Nga nsaka zazi, zikumfila mu vanga kikundi yo wantu ke bezolanga Yave ko?
Diambote twavanganga mawonso mu venga konso vonza. Avo lukatikisu tuna lwau mu kuma kia nsaka tuzolele sakana, diambote twavenga zo
4. Toma sadila e ntangw’aku
Tala e VIDEO, i bosi, vana e mvutu za kiuvu kilende.
Nze una omwene muna video, mpangi katalanga mambu mambi ko. Kansi, nkia mfwilu kabaka muna lembi kala ye tezo?
Tanga Filipi 1:10, i bosi, vana e mvutu za kiuvu eki:
E sono kiaki, aweyi kilenda kutusadisila mu zaya e tezo kia ntangwa tuviokesa muna nsaka?
5. Sola nsaka zambote
Kanele vo e nsaka zankaka ke ziyangidikanga Yave ko, vena ye mambu mayingi mambote tulenda vanga. Tanga Kimpovi 8:15 ye Filipi 4:8, i bosi, vana e mvutu za kiuvu kilende:
Nkia mpila nsaka oyangalelanga?
Olenda sola yo yangalela nsaka zambote
AVO MUNTU UVOVESE VO: “Ke diambi kwandi ko mu tanga nkanda yovo tala filme zisonganga nsoki, mavangu ma zumba yovo mpandu wau vo kivanganga mo kwame ko.”
Adieyi okumvovesa?
MAMBU MASINA MA LONGI DIADI
Yave ozolele vo twasolanga yo yangalela nsaka zambote.
Nkia Mambu Olongokele?
Nkia mpila nsaka Akristu bafwete venga?
Ekuma tufwete kadilanga ye tezo muna ntangwa tuviokesanga muna nsaka?
Ekuma ozolele solela nsaka ziyangidikanga Yave?
TALA MPE OMA MALENDE
Tala kana nani una ye mbebe ya sola nsaka zaku.
“Nga Mbangi za Yave Besimanga Filme, Nkanda ye Nkunga Miankaka?” (Longi dina muna jw.org)
Tala una olenda bakila nzengo zambote mu diambu ditadidi nsaka.
“Nga e Nsaka Osolanga Zambote?” (Eyingidilu dia 15 dia Okutoba, 2011)
Muna zaya e kuma yakala dimosi kayambulwila e nsaka zina kazolanga, tala lusansu, “Yakatula Ngindu Zambi Yakala Zau.”
“Nkand’a Nzambi Zingu kia Wantu Usobanga” (Eyingidilu dia Yuli-Setemba, 2010)
Tala una ngudi mosi kabakila nzengo zalembi tala filme zisonganga mavangu ma mpandu.
-