“E Diambu dia Nzambi Diamoyo”

20. Mu nkia mpila zole tulenda bakulwila e sono kia Ayibere 4:12? (Tala e sinsu kina vana yanda.)

²⁰ Vava Paulu kasoneka vo “e diambu dia Nzambi diamoyo,” kayika kaka Nkand’a Nzambi ko.c E sono yakaka muna kapu kiaki isonganga vo nsilu mia Nzambi kayika. Edi kazola vova o Paulu vo e nsilu mia Nzambi lungana kaka milungananga. Muna Yesaya wa ngunza, Yave wavova vo: “Diambu diame . . . ke dikumputukila nkatu ko,  . . disikila mun’edi ntwikidi dio.” (Yes. 55:11) Muna kuma kiaki, tufwete kalanga ye luzindalalu avo tumwene vo nsilu a Yave ke ulunganene ko muna ntangwa tuzolele. Tulenda kala ye ziku vo Yave wakinu sala muna lungisa ekani diandi.—Yoa. 5:17.

21. E sono kia Ayibere 4:12 aweyi kilenda sadisila awana bena vo s’anunu mu zindalala sadila Yave?

²¹ Ayingi muna “ndong’ayingi” besadilanga Yave se mvu miayingi. (Lus. 7:9) Ke bayindulanga wo ko vo bekituka s’anunu va nza yayi yambi. Kana una vo i wau, bakinu kuyivana muna salu kia Yave. (Nku. 92:14) Bazeye wo vo “e diambu dia Nzambi diamoyo,” e nsilu mia Yave milungana. Wau vo ekani dia Nzambi diamfunu kikilu kwa yandi, oyangalalanga vava tumonanga vo ekani diadi diamfunu mpe kwa yeto. Mu lumbu kiaki kiansambwadi kia vundu, ke vena diambu ko dilenda simba Yave kalembi lungisa ekani diandi. Ozeye wo vo nkangu andi ukwamanana zingila ngwizani y’ekani diandi. Adieyi tuvova mu kuma kiaku? Nga wakota muna vundu kia Nzambi?