• “Nubadika Ndiona Wazizidila”
    “Wiz’andandi”

    • “Landa Muna Ntambi Zandi”

      20, 21. Muna kuma kia luzindalalu, o Yave adieyi kevavanga kwa yeto? Nkia nzengo tufwete baka?

      20 Yesu wazaya wo vo luzindalalu luvavwanga muna kala se nlandi andi, kadi lubangamu ditwasanga. (Yoane 15:20) Muna kubika e nzila yo kumika akaka, wasonga mbandu andi. (Yoane 16:33) Elo, Yesu watusisila mbandu a luzindalalu, kansi tusungamenanga vo ke twalunga ko. O Yave adieyi kevavanga kwa yeto? Petelo ovananga e mvutu vo: “O Kristu wanumwen’e mpasi, wanusisil’e mbandu, nwalanda muna ntambi zandi.” (1 Petelo 2:21) Muna zizidila e ntonta, Yesu wasisa “mbandu,” ina ifwete landwa.a O mavangu ma luzindalalu kasonga malenda tezaneswa ye “ntambi.” E ntambi zandi ke zilendi kala betela ye ntambi zeto ko, kansi tulenda zo “landa.”

  • “Nubadika Ndiona Wazizidila”
    “Wiz’andandi”

    • a O mvovo wa Kingerekiya wasekolwa vo “mbandu” ulenda tezaneswa “nze una muntu ketangininanga e sono ya muntu akaka.” Muna sono ya Kingerekiya, Petelo wa ntumwa kaka wasadila o mvovo wau. “E mbandu a diambu diadi i dina divangamanga muna sikola, o nlongi vava kesonekanga diambu kuna babu, o nlongoki kafwete landa dina kasonekene.”