Nkunga 134
Tala Lekwa Yawonso Se Yampa
1. Yindula vo, nge ye mono;
Tukotele wau mu nza yampa.
Ekwe kiese! Ekwe nsambu!
Tuvevokele muna mpasi.
Umpumbulu usukidi;
Kintinu kia Nzambi kia ziku.
Tufinamene kota mu nza yampa,
Ye ntima wawonsono tuyimbila vo:
(VUTUKILA)
“Tala masivi ma Nzambi eto!
Ovangidi yawonso se yampa.
Tunsanisina ye nsi’a ntima wawonso;
Tumvana nkembo, yo zitu, ye matondo.”
2. Yindula vo, nge ye mono;
Tumwene nz’ampa tusiang’e vuvu.
Ka tumwene masivi ko
Malenda kutumwesa wonga.
Nsilu’a Nzambi ulungana;
Wantu bena mu saba kiandi.
Osinga futumuna wantu afwa;
Tuyangalala yo vutula matondo:
(VUTUKILA)
“Tala masivi ma Nzambi eto!
Ovangidi yawonso se yampa.
Tunsanisina ye nsi’a ntima wawonso;
Tumvana nkembo, yo zitu, ye matondo.”
(Tala mpe Nku. 37:10, 11; Yes. 65:17; Yoa. 5:28; 2 Pet. 3:13.)