Mambu Tulenda Longoka Muna Longi dia Yeto Kibeni Yovo dia Esi Nzo

Tusambilanga Yave muna tukutakanu, muna tukutakanu twa zunga, muna tukutakanu twa mvivu, vava tukalanga ye longi dia yeto kibeni ye muna nsambila ya esi nzo eto. Tala mambu tulenda longoka muna longi dia yeto kibeni yovo muna nsambila ya esi nzo:

• Kubika malongi ma lukutakanu. Olenda longoka mpe yimbila e nkunga mieto yo sadisa awonso muna nzo bakubika e mvutu.

• Tanga lusansu lumosi lwa Bibila. I bosi, toma yindula o lusansu yovo soneka konso diambu diamfunu olongokele.

• Tanga e sambu yasonama muna Bibila yo yindula una ilenda kusadisila mu tomesa e sambu yaku.

• Tala e video imosi muna jw.org yo moke­nena yo ye akaka yovo soneka mambu oyangokele muna video.

• Kubika mambu nusadila muna salu kia samuna e nsangu zambote. Nanga lulenda vanga e nsongesela ya mpila nusadila mo.

• Tala o nsema yo toma badika yovo nuvovela mana nulongokele muna nsema mu kuma kia Yave.a