Mukalenga Olimba Mwagumananga na Mavuto a Vya Chuma

Moyo wam’malambo omari-ala ukede zaala na mavuto. Vevo ninaandamela-iyo mapeto ailambwela, mavuto kanerenga wonjedeleya vinjinji teto tawi dimo-i ninokoza sauwelanga vyongo vyofuneya va moyo. (Hab 3:16-18) Kodi chin’ni inanikami-e olimba nagumanana mavuto a vya chuma? Ninafuneela dowanave roromela Yehova Mulungwi-u. Liye unolanyeda ira unoza asamalele atumikaye teto unoza aava-e vyetene vyevyo kanafuneelaathu viruche moi avi. — Sal 37:18, 19; Aheb 13:5, 6.

Vyevyo munairenyo:

• Muvepenga Yehova ira awusogoleleni, awuva-eni zelu koma teto awukami-eni. — Sal 62:8

• Mukalenga okozeya inda chito iliyetene masiki ira kamunai-indevo. — g-CN 1/10 takuru 8-9, mabokosi

• Muirenga vyongo vyokuza lambeela tawi detene, tangani-avo welenga Mawu a Mulungu dambo lililetene, fwanyeya va misokano da mpingo koma teto indana chito yolaleela

ONELANI VIDIYO YOI MANGANI NYUMBA YOLIMBA — ‘MUZIKHALA OKHUTIRA NDI ZIMENE MULI NAZO,’ ERA EENO SOMEDANI VYOFUKA VYO-ARELAVI:

• Kodi mba mavuto aavi anayo mabanja amo-i kagumanilenaathu?

• Kodi aluwa kawonile ira yongo yofuneya vinjinji va ingumiwa chin’ni?

• Kodi ninakami-e avi athu anayo kanagumanana mavuto avyachuma?