UBUMI BWITU UBWACHIKILISITU

Ukwisengannya pa Ntamyo iya Vyachuma

Tutakuswigha ichifukwa cho ichuma chitakwendela akiza pachisu chosi. Chifukwa choni? Ichifukwa chakuti tuli kubumalilo ukwenecho ukwamasiku agha bumalilo sona Ibayibolo likutuchenjezya ukuti tutakabikaghe ulusubilo ‘mu bukabi ubwa pachisu ichapasi ichi.’ (1 Tim. 6.17; 2 Tim. 3.1) Nkimba tungamanyilako ichoni kwa Yehoshafati pa nkani iya kwisengannya pantamyo iya vyachuma?

Bo abalwani aba Yehoshafati bamoghofya, u Yehoshati akasubila mwa Yehova. (2 Syambu. 20:9-12) Akazenga amatawuni na makampu agha basilikali. (2 Syambu. 17.1, 2, 12, 13) Ngati we Yehoshafati, nuswe tukusubila u Yehova nu kwisengannya mukabalilo aka ntamyo.

VYO TUNGABOMBA PAKWISENGANNYA MUKABALILO AKA NTAMYO IYA VYACHUMA

Mwisengannye umwabuzimu: Muhobokaghe na vyo muli navyo nu kusubila nkani u Yehova ukuti inti abape vyo mukulondiwa pa bumi. (Mat. 6.26; 1 Tim. 6.8) Pala mukubukilila ukukonka ifundo izya mu Bayibolo, inti zibavwe ukuti muhobokaghe ni vintu vyo muli navyo. (Lom. 2.21) Inong’onelapo vyo vingabavwa ukuti mwize mubukilile ukubelenga Ibayibolo sona na mabuku agha kulongosola Ibayibolo pala amagesi pamo intaneti navimo. Mungasengulila zila amabuku gho ghapulintiwe nu kupangila zila dawunilodi amabuku.

Mwisengannye umwakumubili: Muchepesye inkongole nu kuleka ukughula ivintu vyo te vyakulondiwa nkani. (Mbupi. 22.7) Pala mungakwanisya mungasengulila zila ichakulya ni vintu ivyamwabo ivyakulondiwa. Bamo bakuba nakamughunda ko bakulimapo imbeyu izyakulekana-lekana ukuti zibavwe ukuchepesya ukananga indalama.

ENELEZYA IVIDIYO IYA MUTU UWAKUTI NKIMBA MWISENGANNYA KU MIKOSI? NUKWAMULA AMALALUSYO AGHA:

Ichintuzi icha mu vidiyo “Nkimba Mwisengannya ku Mikosi?” Ichintuzi chikulangizya Ibayibolo, aka chikwama aka pabulendo, ifoni sona abantu abakuzenga.

Nkimba umuntu aliwesi pamwene angisengannya buli-buli ku mikosi?

Your answer

Ichintuzi icha mu vidiyo “Nkimba Mwisengannya ku Mikosi?” Abakamu bali pakwavwilizya ko kwabombiwa ingozi pa kuzenga nu kwisya ukatundu ukufuma mu ntilaki.

Nkimba tungisengannya buli-buli ukuti twavwe abamwitu?

Your answer