Vyo Mungabomba Ukuti Imbumba Yinu Yibe Yakuhoboka

U Yehova akulonda ukuti imbumba zihobokaghe. (Sali. 127.3-5; Ndumbi. 9.9; 11.9) Akabalilo kamo tungaleka ukuba bakuhoboka ichifukwa cha ntamyo zyo tukukomana nazyo sona ichifukwa cha vyo abamumbumba yitu bangatubombela. Ka aliwesi pamwene angabomba choni ukuti imbumba yibe yakuhoboka?

Umwanavuli abaghiye ukumuchindika umuchi wache. (1 Pita. 3.7) Akwagha akabalilo akakwangala numuchi wache. Akwennya vyo umuchi wache akubomba nu kumupalizya pa vyo akumubombela na vyo akubombela imbumba yache. (Kolo. 3.15) Akubomba ivintu vyo vikulangizya ukuti amughanite nu kumupala.—Mbupi. 31.28, 31.

Umuchi akulondelezya izila izya mo angamutulila umulume wache. (Mbupi. 31.12) Umuchi akumwivwila nu kukolelana nu mulume wache. (Kolo. 3.18) Akusala amazyu amiza pakunena nu kunena ivyiza ivya mulume wache.—Mbupi. 31.26.

Abapapi bakwagha akabalilo aka kwangala na bana babo. (Kumbu. 6.6, 7) Bakubabuzya abana babo ukuti babaghanite. (Mata. 3.17) Bakubalangizya ulughano abana babo pala bakubafunda ukuti babombaghe nu kusala akiza ivintu.—Efe. 6.4.

Abana bachindikaghe nu kwivwila abapapi babo. (Mbupi. 23.22) Bakubabuzya abapapi babo vyo vili mu moyo wabo na mo bakwiyivwila. Bakwivwila vyo abapapi babo bakubabuzya nu kubachindika.—Mbupi. 19.20.

ENELEZYA IVIDIYO IYAKUTI VYO VINGABAVWA UKUTI MUHOBOKAGHE MU MBUMBA YINU, NUKWAMULA ILALUSYO ILI:

• Ka aliwesi angavwa buli-buli ukuti imbumba yibanje yakuhoboka?