Mo Tungavwilizizya Pala Kwabombiwa Imikosi Pamo Ingozi

Amasiku agha ingozi zikubukilila ukubombiwa. Pakulondiwa indondomeko iyiza sona nukukolelana ukuti twavwepo nanti ingozi zyabombiwa. Pachifukwa ichi Akagulu Akakwenelezya kali ni Dipatimenti iyakwenelezya nanti kwabombiwa ingozi. Idipatimenti iyi yikwayiwa paofesi yiliyosi.

Nanti abakamu bo bali mudipatimenti bamanya ukuti kwabombiwa ingozi, umwakusita ukukaba bakunenezannya nabasongo abachipanga ukuti bamanye abalumbilili bo bangalondiwa ubutuli. Nanti ingozi yikulu nkani umwakuti abakamu batangakwanisya ukwiyavwilizya bene, iofesi yikwiza pakutuma abakamu bo bayimenye akiza imbombo ukuti bobo batangilile. Abakamu bo bali mudipatimenti iyi bangabalaba abantu bobangiyipa ukuti bavwepo, pamo bangalaba ukatundu yumo sona bangaghula ukatundu yo akwayiwa kupipi nukumugaba.

Bwiza boni bobukubapo nanti tukupanga ivintu muzila iyi? Nanti tukupanga bunubu vingavwa ukuti tutakataye amaka ghitu pabulo, ukuti tutakavulungannye ivintu, sona ukuti tutakabombezye indalama nukatundu pabulo pamo ukusita ukukonka indondomeko.

Abakamu bobasaliwe ni ofesi bangamanya ubwinji ubwa ndalama zyo zikulondiwa sona bangamanya ubwinji ubwa bantu bo bakulondiwa ukuti baye bavwepo ko kukulondiwa ubutuli. Abakamu bo bayimenye akiza imbombo bangavwana na bantu bo bayimenyeko imbombo kuchigaba kokwabombiwa ingozi ukuti imbombo yende mwalubilo. Pulizi tutabaghiye ukusonkesya indalama pamo ukutumizya ubutuli bulibosi pamo ukubuka ku malo kokwabombiwa ingozi ukuti tuye twavwepo nanti batatubuzizyepo ukubomba bunubu.

Napo vingaba bunubu loli tubaghiye ukwavwapo. (Aba Heb. 13.16) Tungavwapo ichifukwa chakuti tubaghanite abakamu. Nkimba tungabomba buli-buli? Izila iyiza yakubiputila abantu bobakomana ningozi nabo bakupeleka ubutuli. Sona tungavwapo umwakupeleka indalama ku mbombo yitu iya pachisu chosi. Akagulu Akakwenelezya kakupeleka ubulongozi bo amaofesi ghakukonka pakupeleka ko kukolondiwa ubutuli. Nanti numwe mukulonda ukwavwapo umwakusimba ifomu iya mutu uwakuti Fomu ya Wofuna Kutumikira Mongodzipereka M’dipatimenti Yoona za Mapulani ndi Zomangamanga (DC-50).

ENELEZYA IVIDIYO IYA MUTU UWAKUTI MAJI GHAKUTUTUKA GHASAKAZA VINTHU KU BRAZIL, NUKWAMULA ILALUSYO ILI:

Choni cho chabahobosya nkani pakwennya mo Abakaboni ba Yehova bakabombela pakupeleka ubutuli ku Brazil mu 2020 bo amizi ghasata?