Mwisengannyanje Mumoyo

Nanthi tukumanyila Ibayibolo, tukulonda ukuti inyinong’ono zya Yehova zitufikaghe pa moyo pamo ukukwafya ubunthu bwitu ubwamukasi. Tungamanyilako kwa Ezila yo ‘akisengannya mu moyo wache pakulondelezya ilamulo lya Yehova.’ (Ezra 7.10) Ka tungisengannya bulibuli mumoyo?

Ukwiputa. Po muchili ukwanda ukumanyila, mwipute tasi. Mumulabe u Yehova ukuti abavwe ukwivwisya nu kuvibombezya imbombo vyo inthi mumanyile.—Sali. 119.18, 34.

Mube bakwiyisya. U Chala afisite ubwanaloli ku banthu bo bakwiyennya nu kwisubila bene ukuti bangivwisya Ibayibolo. (Luka 10.21) Mutakafufuzaghe ivinthu umwakuti mubaswighisye abanji pa vyo mwamanya. Umwakwiyisya, musinthaghe inyinong’ono zyinyu nanthi zitakukolelana nu Chala.

Muteghelezyanje ulwimbo ulwa Bumwene. Ulwimbo luli na maka aghakunena nu moyo witu po tukwisengannya ukuti twipute. Ukuteghelezya ulwimbo ulwa Bumwene po muchili ukwanda ukumanyila, kungabavwa ukuti mwisengannye mu moyo winyu.