Ubwanaloli bwa mu Bayibolo bo Tughanite Ukumanyisya Abantu

U Yesu akanena ukuti abantu abamoyo umwiza bakwiza pakubumanya ubwanaloli pala babwivwa. (Yoha. 10.4, 27) Chocho bene akabalilo kalikosi pala tukunenezannya na bantu tukulondiwa ukubamanyisya umwabupepe ifundo izya mu Bayibolo. Ukuti mwande ukunenezannya nu muntu, mungamulalusya ukuti, “Nkimba uzimenye ukuti . . . ?” pamo “Nkimba mwivuyepo ukuti . . . ?” Pisinda pache mungabombezya amasimbo pamo isimbo lyo likukolelana ni fundo yo mwanena. Tungabyala imbeyu mumoyo wa muntu umwakumubuzyako ubwanaloli bwa mu Bayibolo muzila iyipepe, sona u Chala weyo angayikuzya imbeyu iyi!—1 Koli. 3.6, 7.

• Ivyakuntazi

• Imbumba

• U Chala

• Ulwiputo

• U Yesu

• Ubumwene bwa Chala

• Intamyo

• Imfwa

• Ivipanga

IVYAKUNTAZI

1. 1. Ivintu vyo vikubombiwa sona na mo abantu bakubombela ivintu vikulangizya ukuti ubumalilo buli papipi.—Mata. 24.3, 7, 8; Luka 21.10, 11; 2 Timo. 3.1-5.

2. 2. Ichisu te chikamalepo lumo.—Sali. 104.5; Ndumbi. 1.4.

3. 3. Uchala akwiza pakunyosezyapo ivintu mumalo ghache.—Yesa. 35.1, 2; Ubuvu. 11.18.

4. 4. Kutakwiza pakubako ububine.—Yesa. 33.24; 35.5, 6.

5. 5. Tukwiza pakwikala muchisu kwa bwila na bwila.—Sali. 37.29; Mata. 5.5.

IMBUMBA

1. 6. Umulume aliwesi “amughanaye umuchi wache ukuyana na mumo iyighaniye mwene.”—Efe. 5.33; Kolo. 3.19.

2. 7. Umuchi amuchindikaghe umulume wache.—Efe. 5.33; Kolo. 3.18.

3. 8. Umulume nu muchi babanje basubaliwa kwa yunji nu wamwabo.—Mala. 2.16; Mata. 19.4-6, 9; Hebe. 13.4.

4. 9. Abana bo bakwivwila abapapi babo nu kubachindika ivintu vikwiza pakubendela akiza.—Mbupi. 1.8, 9; Efe. 6.1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

U CHALA

1. 10. U Chala ali ni zina.—Sali. 83.18; Yere. 10.10.

2. 11. U Chala atupiye ubutenga ubwakulondiwa hee!— 2 Timo. 3.16, 17; 2 Pita. 1.20, 21.

3. 12. U Chala atakusala.—Kumbu. 10.17; Imbo. 10.34, 35.

4. 13. U Chala akulonda ukutwavwa.—Sali. 46.1; 145.18, 19.

ULWIPUTO

1. 14. U Chala akulonda ukuti twiputaghe kukwache.—Sali. 62.8; 65.2; 1 Pita. 5.7.

2. 15. Ibayibolo likutumanyisya mo tungiputila.—Mata. 6.7-13; Luka 11.1-4.

3. 16. Tukulondiwa ukuti twiputaghe akabalilo kosi.—Mata. 7.7, 8; 1 Tesa. 5.17.

U YESU

1. 17. U Yesu akaba mumanyisi umwiza yo ubulongozi bwache buchili bukubomba mpaka pakabalilo kano.—Mata. 6.14, 15, 34; 7.12.

2. 18. U Yesu akanenela zila ivintu vyo tukuvyennya.—Mata. 24.3, 7, 8, 14; Luka 21.10, 11.

3. 19. U Yesu Mwana wa Chala.—Mata. 16.16; Yoha. 3.16; 1 Yoha. 4.15.

4. 20. U Yesu te we Chala u Wamakaghosi.—Yoha. 14.28; 1 Koli. 11.3.

Based on NASA/Visible Earth imagery

UBUMWENE BWA CHALA

1. 21. Ubumwene bwa Chala li boma lyo lili kumwanya.—Dani. 2.44; 7.13, 14; Mata. 6.9, 10; Ubuvu. 11.15.

2. 22. Ubumwene bwa Chala bukwiza pakupyana maboma gha bantu.—Sali. 2.7-9; Dani. 2.44.

3. 23. Ubumwene bwa Chala bwene bobo bungamazya intamyo izya bantu.—Sali. 37.10, 11; 46.9; Yesa. 65.21-23.

INTAMYO

1. 24. Te we Chala yo akupangisya intamyo.—Kumbu. 32.4; Yako. 1.13.

2. 25. U Satana weyo akulaghila ichisu.—Luka 4.5, 6; 1 Yoha. 5.19.

3. 26. U Chala akwennya ukuti mukutamiwa sona akulonda ukubavwa.—Sali. 34.17-19; Yesa. 41.10, 13.

4. 27. U Chala akwiza pakumazya intamyo zyosi.—Yesa. 65.17; Ubuvu. 21.3, 4.

IMFWA

1. 28. Abafwe batakumanya nachimo sona batakutamiwa.—Ndumbi. 9.5; Yoha. 11.11-14.

2. 29. Abafwe batangatwavwa sona batangatuvulazya.—Sali. 146.4; Ndumbi. 9.6, 10.

3. 30. Abakamu bitu bo bafuye bakwiza pakuzyuka.—Jobu 14.13-15; Yoha. 5.28, 29; Imbo. 24.15.

4. 31. “Ubufwe butakwiza pakubako nalumo.”—Ubuvu. 21.3, 4; Yesa. 25.8.

IVIPANGA

1. 32. Te vipanga vyosi vyo vikumuhobosya u Chala.—Yere. 7.11; Mata. 7.13, 14, 21-23.

2. 33. U Chala avibengite ivipanga ivyabumyasi.—Yesa. 29.13; Mika 3.11; Mali. 7.6-8.

3. 34. Ichipanga ichabwanaloli chikumanyikwa ichifukwa chakuti chikulangizya ulughano ulwenecho.—Mika 4.3; Yoha. 13:34, 35.