UMUTU 38
Mupalizyanje Ichabupi Icha Bumi
Pali ivintu ivyinji ivyiza vyo tungabomba nu kuhoboka navyo ichifukwa chakuti tuli nu bumi. Napo tungakomana ni ntamyo, loli tungabukilila ukuhoboka ni vintu vimo pabumi. Nkimba tungalangizya buli-buli ukuti tukupalizya ichabupi ichabumi? Sona choni cho tubaghiye ukubomba bunubu?
1. Choni cho tukulondiwa ukupalizya ukuti tuli nu bumi?
Tubaghiye ukupalizya ichifukwa chakuti tuli nu bumi cho chabupi ichakufuma kwa Tata witu uwalughano u Yehova. Weyo ‘chiziba icha bumi’—akapela ivyabumi vyosi. (Salimo 36.9) “Pakuti umwene we yuyo akubapa abantu ubumi nu muyi, sona ni vinji vyosi.” (Imbombo 17.25, 28) U Yehova akutupa chilichosi cho tukulondiwa ukuti tube nu bumi. Ichakulondiwa nkani chakuti akupangisya ukuti tuhobokaghe nu bumi.—Belenga Imbombo 14.17.
2. Nkimba tungamulangizya buli-buli u Yehova ukuti tukupalizya ichabupi ichabumi?
Ukufuma bulo po mukanda ukupangiwa mulwanda, u Yehova akubapwelelela. Mu Bayibolo muli ulwiputo lumo lo umubombi wa Yehova, u Devedi akanena ukuti: ‘Amaso ghinyu ghakanennya po nkanda ukupangiwa bulo mulwanda.’ (Salimo 139.16) U Yehova akwennya ukuti ubumi bwinyu bwakulondiwa sana. (Belenga Matayi 10.29-31.) Vingamukalalizya sana u Yehova waghe umuntu angaghogha uwamwabo pamo ukwighogha mwene umwadala.a (Ukusoka 20.13) Sona vingamukalalizya u Yehova waghe tungapangila dala ivintu vyo vingabika ubumi bwitu pamo ubwa bamwitu pa ngozi. Pala tukupwelelela ubumi bwitu sona ukuchindika ubumi bwa bamwitu tukulangizya ukuti tukupalizya ubumi cho chabupi ichapamwanya.
MANYA IVYINJI
Inong’onela izila zimo zyo mungalangizizya ukupalizya ichabupi ichabumi.
3. Mupwelelelaghe umubili winyu
Abakilisitu bo bipelekite kwa Yehova bakubomba chilichosi cho bangakwanisya pakumubombela. Bakuba ngati bapelekite imibili yabo kwa Chala. Belenga Aba Loma 12.1, 2, nu kunenezannya amalalusyo agha:
Choni cho chingabapangisya ukuti mupwelelelaghe umubili winyu?
Ka mungabomba buli-buli ukuti mupwelelelaghe umubili winyu?
4. Mubanje maso ukuti muleke ukupanga ivintu vyo vingapangisya ingozi pamo imfwa
Ibayibolo likutulimbikisya ukuti tuchebaghe ukubomba ivintu vyo vingapangisya ingozi. Enelezya IVIDIYO ukuti mumanye ivintu vyo mungabomba ukuti muchebaghe ku ngozi.
Belenga Isya Mbupingamu 22.3, nu kunenezannya mo mungabombela ukuti umwe na bamwinyu mutakapange ingozi po . . .
muli kunyumba.
muli kumbombo.
muli pakwangala.
muli pakwendesya igalimoto, iboti pamo ukukwela injinga.
5. Muchindike ubumi bwa mwana yo achili atapapiwe
U Devedi akalongosola ukuti u Yehova akwenelezya chilichosi cho chikubombiwa po umwana akukula mu lwanda lwa nyina. Belenga Salimo 139.13-17, nu kwamula ilalusyo ili:
Ka kwa Yehova, ubumi bwa muntu bukwanda po umama asenda ulwanda pamo po apapa?
Indaghilo zyo u Yehova akapeleka ku Baizilayeli kale zikafighililagha umama uwalwanda sona nu mwana yo atapapiwe. Belenga Ukusoka 21.22, 23, nu kwamula amalalusyo agha:
Nkimba u Yehova akamwennyanga buli-buli umuntu yo umwangozi aghogha umwana yo achili atapapiwe?
Ka vingaba buli-buli nanti umuntu angapangila umufulo?b
Ka mukwiyivwa buli-buli na mo u Yehova ukuyenezya inkani iyi?
Umama yo azimenye ukuti ubumi bwakulondiwa, loli ichifukwa chakuti akomana ni ntamyo anganda ukwinong’ona ukuti izila iyakumazya intamyo ko kufumya ulwanda. Belenga Yesaya 41.10, nu kwamula amalalusyo agha:
Pala umukolo yo ali nu lwanda akukakamiziwa ukuti afumye ulwanda, ka ko kwi ko angagha ubutuli? Chifukwa choni?
VYO BAMO BAKUNENA: “Umukolo ali nu bwabuke ubwakufumya ulwanda ichifukwa luli pa mubili wache.”
Choni cho chakuhobosya ukumanya ukuti u Yehova akwennya ukuti ubumi bwa mama nu mwana yo atapapiwe bwakulondiwa?
IFUNDO IZYAKUDUMULA
Ibayibolo likutumanyisya ukuti tubughane ubumi, ukubuchindika sona nu kughufighilila cho chabupi cho u Yehova atupiye. Ivi vikongonnyapo ubumi bwitu sona nubumi bwa banji.
Ukunyokelamo
Choni cho u Yehova akwennya ukuti ubumi bwakulondiwa nkani?
Ka u Yehova akwiyivwa buli-buli nanti umuntu aghoghela dala uwamwabo?
Choni cho mwe bakuhoboka ni chabupi icha bumi?
IFUNDO IZYAKONGELEZYAPO
Ka tungamupalizya buli-buli u Yehova pakuti atupiye ichabupi ichabumi?
Agha uansala u wilalusyo ilyakuti, ka u Chala akumuhobokela umkolo yo afumizyepo ulwanda?
“Nkimba u Yehova Akuyennya Buli-Buli Inkani Iyakufumya Ulwanda?” (Inkani iya pa intaneti)
Ukumanya mo u Yehova akubwennezya ubumi vingatwavwa ukuti tusalaghe ivintu vyo vitangabika ubumi bwitu pangozi.
“‘Kasi Mukwenera Kuchitako “Maseŵero Ghakuŵika Umoyo Pangozi?” (Wukani!, Okutobala 8, 2000)
Nkimba Ibayibolo lingamwavwa umuntu yo ali ni nyinong’ono izyakwighogha.
a U Yehova akubapwelelela bo umoyo wabo wafwantika. (Salimo 34.18) U Yehova akumanya mo umuntu akwiyivwila yo ali ni nyinong’ono izyakulonda ukwighogha sona akulonda ukuti amwavwe. Ukuti mumanye vyo vingamwavwa umuntu ukuti aleke ukuba ni nyinong’ono izyakulonda ukwighogha, belenga inkani iyakuti “Kasi Baibolo Linganovwira Para Nkhukhumba Kujikoma?” yo yili pa Ifundo Izyakongelezyapo mu mutu ughu.
b Bo bakafumyapo ulwanda batabaghiye ukupasya nkani ichifukwa u Yehova angabahobokela. Ukuti mumanye ivyinji, ennya inkani iyakuti “Nkimba u Yehova Akuyennya Buli-Buli Inkani Iyakufumya Ulwanda?” yo yili pa Ifundo Izyakongelezyapo mu mutu ughu.