UMUTU 58
Mubukilile Ukuba Basubaliwa kwa Yehova
Abakilisitu ababwanaloli batakwitikizya chilichosi ukuti chinange ubumanyani bwabo nu Yehova. Tukumanya ukuti numwe mukwiyivwa bunubu. U Yehova akumanya ubusubaliwa bwinyu. (Belenga 1 Syambukulu 28.9.) Nkimba choni cho chingapangisya ukuti mutakabe mwe basubaliwa kwa Yehova sona choni cho chingabavwa?
1. Nkimba ubusubaliwa bwinyu kwa Yehova bungagheliwa buli-buli?
Abantu bamo bangabapangisya ukuti mutakamubombele u Yehova. Nkimba bo bawenu bo bangabomba ivintu ivi? Abantu bo balekite ubwanaloli banganena amabumyasi ghamo aghakukwafyannya ni gulu lya Yehova umwakuti bachefye ulusubilo lwinyu. Abantu aba, bamusambukiye u Yehova. Sona abasongo abavipanga bakunena ubumyasi ubwakukwafyannya nuswe ukuti bapangisye bamo ukuleka ukumubombela u Yehova. Chingaba chakoghofya nanti tukunenenzannya nabo, tukubelenga amabuku ghabo sona tukubelenga vyo visimbiwe mu ma webusayiti ghabo pamo ukwenelezya amavidiyo ghabo. Pakunena izya bantu bo bakupangisya abamwabo ukuti baleke pakumubombela u Yehova u Yesu akanena ukuti “baleke bene bulo, abafwamaso banaba, abalongozi aba bafwamaso. Nanti umufwa maso akulongozya umufwa maso uwamwabo bosi bakuwila muchiliba.”—Matayi 15.14.
2. Nkimba vyo tukusala vingalangizya buli-buli ukuti swe basubaliwa kwa Yehova?
Nanti tumughanite u Yehova tetubombaghe chilichosi cho chikulimbikisya ukwiputa ukwa bumyasi. Akabalilo kosi tukulondiwa ukwenelezya ukuti imbombo yo tukubomba, utumagulu pamo ivyakusangalusya vyo tukubomba vitakukolelana nu kwiputa ukwa bumyasi. U Yehova akutusoka ukuti: “Mwe bantu bane, epamo mukaya kache.”—Ubuvumbuli 18.2, 4.
MANYA IVYINJI
Manya mo mungabombela ukuti mubaleghuke abantu bo bangapangisya ukuti mutakabe mwe basubaliwa kwa Yehova sona mo mungalangizizya ubusubaliwa bwinyu umwakwepamo mu chipanga icha bumyasi.
3. Muchebe na bamanyisi ababumyasi
Nkimba tungabomba buli-buli nanti twivwa amabumyasi aghakukwafyannya ni gulu lya Yehova? Belenga Isya Mbupingamu 14.15, nu kwamula ilalusyo ili:
Choni cho tutakulondiwa ukuti tusubilaghe chilichosi cho twivwa?
Belenga 2 Yohani 9-11, nu kwamula amalalusyo agha:
Nkimba tukulondiwa ukubomba buli-buli na bantu bo bamusambukiye u Yehova?
Napo tutanganenezannya na bantu bo bamusambukiye u Yehova, loli ka zila buli zyo tungalangizya ukuti tukukolelana navyo bakumanyisya?
Nkimba mukwinong’ona ukuti u Yehova angiyivwa buli-buli nanti tukwivwisya ku vintu ivibibi vyo bakumunenela poka ni gulu lyache?
4. Bukilila ukuba mwe basubaliwa kwa Yehova napo umukamu winyu angabomba imbibi inkulu
Nkimba tungabomba buli-buli pala twamanya ukuti yumo mu chipanga chitu abombite imbibi inkulu? Inong’onela ubulongozi ubwa mu Bayibolo bo u Yehova akabapa Abaizilayeli. Belenga Abanya Levi 5.1.
Ukuyana ni vesi ili, nanti twamanya ukuti yumo abombite imbibi inkulu tukulondiwa ukubabuzya abasongo ba chipanga vyo tuvimenye. Loli po tuchili tutababuzizye tungalangizya ulughano nanti tungamubuzya yo anangite ukuti aye ababuzye mwene abasongo ba chipanga. Nanti atakubabuzya abasongo uswe tungalangizya ubusubaliwa bwitu kwa Yehova umwakubabuzya abasongo ba chipanga vyo tuvimenye. Nkimba ukubomba bunubu kungalangizya buli-buli ukuti tumughanite . . .
u Yehova u Chala?
yo anangite?
abantu mu chipanga?
Mumwavwe Umukilisitu uwamwinyu nanti abomba imbibi!
5. Epamo mu chipanga chabumyasi
Belenga Luka 4.8 nu Ubuvumbuli 18.4, 5, nu kwamula amalalusyo agha:
Nkimba izina lyane nkafufutisya ku chipanga cha bumyasi?
Nkimba ningiye akagulu kamo ko kakukolelana ni chipanga chabumyasi?
Ka imbombo yo nkubomba yikukolelana ni chipanga chabumyasi?
Ka vilipo vimo vyo nkulondiwa ukusinta pa moyo wane vyo vikukolelana ni chipanga chabumyasi?
Pala amalalusyo agha mwamula ukuti inga, mwilalusye ukuti, nkimba vintu buli vyo nkulondiwa ukusinta?
Akabalilo kosi musalaghe ivintu vyo vingabavwa ukuba nu mabyebye umwiza sona ukuti mubukilile ukuba mwe basubaliwa kwa Yehova.
Nkimba mungabomba buli-buli nanti babalaba ukuti mwavwepo ku chipanga ichabumyasi?
VYO BAMO BAKUNENA: “Nkulondiwa ukumanya vyo abakusambukila bakunena ivyakukwafyannya na Bakaboni ba Yehova ukuti imfighilile ubwanaloli.”
Nkimba chingaba chamahala ukubomba bunubu? Chifukwa buli?
IFUNDO IZYAKUDUMULA
Ukuti tubukilile ukuba swe basubaliwa kwa Yehova tukulondiwa ukuleka ukukolelana na bantu bo batakulonda ukuti tumubombelaghe.
Ukunyokelamo
Nkimba choni cho tutakulondiwa ukwivwisya ifundo zya bo bamusambikiye u Yehova?
Nanti twamanya ukuti umukamu abomba imbibi inkhulu, ka tukulondiwa ukubomba choni?
Nkimba tungabomba buli-buli ukuti twivvwile ubulongozi ubwakuti epamo mu chipanga chabumyasi?
IFUNDO IZYAKONGELEZYAPO
Ennya vyo mungabomba waghe abantu bakunena amabumyasi aghakukwafyannya na Bakaboni ba Yehova.
“Kasi Ni Vyaunenesko?” (Ichitembe cha Mulindilili icha Chitumbuka, Ogasiti 2018)
Nkimba mungamanya buli-buli nanti akagulu pamo ivyakuchitika vimo vikukolelana ni chipanga chabumyasi?
Nkimba bo bamusambukiye u Yehova bakubomba ichoni ukuti bayezye ukuchepesya ulusubilo lwinyu mwa Yehova?
Mu nkani iyakuti “Nkhapenjanga Chiuta Kwambira Waka pa Wanichi Wane,” ennya mo u Shinto akachilekela ichipanga chabumyasi.
“Baibolo Likusintha Umoyo wa Ŵanthu” (Ichitembe cha Mulindilili, icha Chitumbuka Julayi 1, 2011)