Ngâno ntsia mambote mvukani na bampwaneto bakristo yitunatinaka e?

Beto Mbangi za Yehova katumankisaka lukutakanu ko ni busantshi masangi ma manene tusabuka, ni kuba muini wa ngolo, tiozi peleko mvula. Ni kuba ndingula za luzíngu mpe fwatika ha manima ma tsisalu tsia ngolo, mubungu diantsi Mbangi za Yehova basaka ngolo mu kutakanaka na bampwanawu ba tsimvuka e?

Mubungu dia mambote ma beto beni. Mu wô wutatarila bampwaneto ba tsimvuka, Paulo wata ti: “Banzasanakeno.” (Bahebre 10:24) Diambu diango ebu dita zolo ta “tomo banzila,” ni muzolo ta ti tufweni zaba bampwaneto babansoni. Diambu diango ditele ntumwa Paulo ditutindishi tabanzilaka bampwaneto. Tamana zaba makanda ma bapwaneto bakristo, mbo tubakula ti bakaka bayizilenda mu nwana na mpashi zitutabwabana na zo, mpe mbo mitusarisa beto mpe.

Mbo yikurisa tindiku tieto. Mu tukutakanu tweto, katuvukanaka na bantu batuzabasane kwa mpambampamba ko, kâ peleko na nkatika ndiku zeto. Ntangu zakaka, mbo tuyokisaka nawu ntangu zambote. Ntsia mambote tubakaka ku tukutakano twango e? Mbo tulongokaka mu yangalala bampwaneto mpe mbo tukurisaka luzolo lweto. Ntsiangu, bo bampwaneto babaka m’samu, bawu tubakisaka mu bungu ti tsindiku tsieto tsiayika ngolo. (Bingana 17:17) Mbo tukutakanaka na bampwaneto ba tsimvuka tsieto, mbo tusongelaka ti “banzasana tubanzasanaka.”​—1 Bisi-Korente 12:25, 26.

Tukutshindishi wasola ndiku zaku ha kati dia bantu bo basarilaka luzolo lwa Nzàmbi. Mbo baka ndiku za mpila yo ha kati dia Mbangi za Yehova. Kubikilandi kani tsima tsimoshi nzila mu kukabakasa mu kutakana n’eto.

• Ntsia mambote tubakaka mu vukana ku tukutakanu tweto e?

• Ntsia lumbu dinga mu zaba tsimvuka tieto e?