Nsangu zango za mbote ni ze?

1. Ntsia nsangu zitukiri kwe Nzàmbi e?

Nzàmbi wenandi bantu ba bá na luzingu lwa nsayi ha m’toto. Wasala m’toto na bima biabiansoni bie ha m’toto mu bungu ti beto ka zololo. Ntamana mbo ka hana luzíngu lwa mbote kwe bantu babansoni ha m’toto. Mbo ka katula mpashi zitukwamisaka.​—Tanga Yeremi 29:11.

ka kwena kani kimfumu kimoshi ko tsieka lenda mu katula miangu, bubelo na lufwa. Kâ nsangu za mbote ze kó. Ntangu fioti kwa yishiri, Nzàmbi mbo kayingasa tuyalu twa bantu mu luyalu lwa yandi beni. Bantu batumu kwe luyalu lwango mbo ba ba mu tsidzunu, mpe na tsikolela tsia tsibote.​—Tanga Izaya 25:8; 33:24; Daniel 2:44.

2. Mubungudiantsi bantu bafweti kuluwa nsangu zango za mbote?

Buna bukatula Nzàmbi bantu ba babi ha m’toto ni buna kwa mpashi zi wa. (Sofoni 2:3) Ntsia ntangu wuyilama e? Misamu mi tâ muisa bantu mpashi lumbuti Zu dia Nzàmbi mia katizonzela. Misamu mia mbi mitayoka ha M’toto misongele ti ntamana Nzàmbi mbo kakomba nza yi.​—Tanga 2 Timote 3:1-5.

3. Ntsi tu fweti sa e?

Tufweti longoka mu zaba Nzàmbi mu ndila ya Bibila. Bibila wena ntsiana m’kanda wutukiri kwe tata die na luzolo. Bibila ditutelele kantsi tufweti sa mu ba na luzingu lwa mbote lumbuti mpe mubaka luzingu lwa mankululu ha m’toto mu bilumbu bia kumantwala. Ninga bantu bakaka kabayangalala ko mbo batakusarisa mu longoka Bibila, kâ mbo we ti Nzàmbi luzingu lwa mbote katukanishini ku mantwala, katufwetia bikila kani muntu ndila ko mu tukabakasa mu longoka.​—Tanga Bingana 29:25; Nzabukusu 14:6, 7.