Yezu weka Masiya

Za watâ: ‘Muntu wukundiyôkele wuta kwiza.’ Yezu bu kabâ na mvula kampe 30, wayiza ku Galile, ku nzari ya Zurde, Za ku keri batisilaka bantu. Yezu wazolo ti Za kamubatisa, kâ Za wamutêla: ‘Ka nikubatisa ko. Ni nge fweti kumbatisa.’ Yezu watâ kwe Za: ‘Yehova zololo ti wakumbatisa.’ Buna bawu bakoka mu nzari ya Zurde, mpe Za wavwika Yezu mu mamba.

Yezu bu kadûka mu mamba, wasambila. Buna mazulu mazibuka, mpe mpeve ya Nzambi yamukokela mu tifwani tia bembe. Dieka bo, Yehova wazonza tûka ka zulu: “Nge ni Mwana’ani wu ntomono zolo; nikutamburi.”

Mpeve ya Nzambi bu yakokela Yezu, wayizi bâ Kristo, peleko Masiya. Buna, Yezu wabatika tisalu tia mu tambikila Yehova ha mutoto.

Ha manima ma bateme’andi, Yezu wayenda ku sese, mpe bilumbu 40 kayôkesa kûna. Bu kakâla, yandi waye monekena Za. Yezu bu keri pusanaka penepene na yandi, Za watâ: ‘Wu ni mwana timeme wa Nzambi, wukatulaka masumu ma nza.’ Bu katâ bo, Za wazabikisa kwe bantu ti Yezu ni Masiya. Ngano misamu miatûrila Yezu bu kabâ ku sese mia zebi? Tadzukula mio.