Tisalu tia mupasuri-nzila

Ngolo zeto tusarilaka na ndwenga bu tukubikaka makani ma timpeve. (1Ko 9:26) Makani beto mabakisaka mu tomo sarila ntangu yisiri ntete nsuka ya nza yi. (Ef 5:15, 16) Mu ntangu ya nsambululu’eno ya kanda, mu bungu dia nti lulembo kubikila makani mu bungu dia muvu wa môna? Mu ku bakisa, mu mukanda wu wa lukutakanu, mitu-diambu miamingi mie mô mi lendi taluzula mu lusambulu.​—Zk 1:5.

Mu tifwani, bantu mu kanda balendi sala tintwari mu bakisa muntu wumosi mu kanda mu bâ mupasuri-nzila wa ntangu zazansoni? Tala ti benzi ti kulenda ko mu lungisa ntangu yi balombele, zonza na mipasuri-nzila mie na misamu mimosi na nge. (Bin 15:22) Kampe, lulendi sa interview ya mupasuri-nzila wumosi mu ntangu ya nsambululu’eno ya kanda. Ha manima, lendi tsoneka programe’aku. Tala ti mupasuri-nzila wabâ mu ntama, taluzula tala ti lendi vutu bâ mupasuri-nzila bwawu bu.

Ngano bakaka mu kanda diaku balendi bâ mipasuri-nzila mia ntangu fioti ngonda yimosi peleko zazingi? Tala ti ngolo ka zazingi’â ko ze naku, lendi bâ mupasuri-nzila wa ntangu fioti bu kwe yôkese mwa ntangu lumbu basiri lumbu mu tisalu tia samuna. Tala ti ntangu ka yayingi’â ko ye naku mu samuna ha kati dia lumingu mu bungu ti ku tisalu bâka peleko ku lukolo, lendi sola ngonda yibâ ku vacances peleko ngonda ye na 5 week-ends. Mu calendrier, tsonekeno ntangu yi luta waya mu bâ mupasuri-nzila wa ntangu fioti mpe kubikeno programe.​—Bin 21:5.

TALENO VIDEO YA BÂ MUPASURI-NZILA WE NA BUTINDI, HA MANIMA HANENO MVUTU MU TIYUVU ETI:

• Nti tinsamu tia mpangi Aamand tita tu longesa mu mpila Yehova yi kazololoko na yi kakipilaka bô batambulaka mu bâ mipasuri-nzila?