Tisalu tia nzitukulu mu batika ndongokolo za Bibila mu septembre

Mu septembre, mbo tutomo sarila ngolo mu batika ndongokolo za Bibila kwe muntu ni muntu, na mukanda wa Bâ mu nsayi ntangu zazansoni! Bisamuni bilendi sola mu bâ mupasuri-nzila wa ntangu fioti wa heure 30. Ngano bwe tusarila tisalu tia nzitukulu (campagne spéciale)?

• Mu timoko tia ntete: Sarila tinima tia mansukina tia mukanda mu hana muntu nsatu ya ku wâ peleko yêla mu songela mpila yisalamaka ndongokolo ya Bibila. Sa mutima kwe bantu batambula mu ku wâ na bô batambula vizite ya môna. Ni bu sa ti bawu bakala mu longoka mu ntama, balendi tambula mpila ya longokela na mukanda wa môna. Mikanda ka bafweti’â mia sisa kwe bantu balembolo ku nzo zawu ko peleko kwe bô balembolo tambula nsangu zeto. Komite ya tisalu ya timvuka yilendi kubika tukutakanu twakaka mu bungu dia tisalu tia samuna mu ngonda yo.

• Bweso bwakaka: Tala ti timvuka tieno presentware tisarilaka, monekeseno mukanda wa Bâ mu nsayi ntangu zazansoni! Tâ kwe bantu batamburi nsangu zeto ti balendi baka ndongokolo ya Bibila mu mukanda wo. Songela ndongokolo mu bukufi peleko lendi bwa sa mu ntangu yakaka. Munkengi wa tisalu wulendi kubika misamu ngatu bisamuni bisalaka bubote bienda mu mbuka zi sarilaka bantu mu lomba kwe bantu mu longoka Bibila. Lendi lomba kwe ndiku zaku za tisalu mu longoka Bibila na nge peleko kwe bantu ba bwabanaka na bo mu informel.

Yezu watulomba mu “kubika milongoki”, mu “ba longesa.” (Mt 28:19, 20) Bika tisalu tio tia nzitukulu tiatubakisa mu lungisa kani dio, bu tukwe sariri Bâ mu nsayi ntangu zazansoni!