Makwela​—Tindiku tia luzingu lwalwansoni

Makwela ma Bakristo Yehova makembesaka mpe nsayi manataka kwe mukento na bakala. (Mk 10:9) Mu bâ na makwela ma nsayi mpe mazingilaka, Bakristo bafweti tomo zitisa mitieno mia Bibila bu basolaka muntu wu bakwela.

Bubote bwena mu lembo batika misamu mia makwela na muntu tala ti ka weka’eti “yôka bumpala bwa buntwenia ko,” ntangu yi bâka nsatu za vukasa nitu ngolo zilendi lukabakasa mutomo bakula misamu. (1Ko 7:36) Tomo sarila bumpumpa bwaku mu yika ngolo tindiku tiaku na Nzambi na mu kurisa bifu bia Bakristo. Buna, mbo bâ na lenda dia sa ti makwela maku mabâ ma mbote.

Ntete watambula mu kwelana na muntu, bonga ntangu yifwanane mu zaba, “timuntu [tiandi] tia ku kati.” (1Pi 3:4) Tala ti batikiri mu bâ na ntembe, zonzela zo na muntu wuta zolo kwela. Ntiana kwa mu bindiku biakaka, mu makwela fweti tomo kipa bima bi hana kwe muntu wu kwela, yôka bio bi kwizi baka. (Fl 2:3, 4) Tala ti sariri mitieno mia Bibila ntete wakwela, ka wubâ musamu wa mpasi ko mu tatamana mu landa mio ha manima ma makwela ngatu wabâ na makwela ma nsayi.

TALENO VIDEO YA KUBAMA MU BUNGU DIA MAKWELA​—LWEKA 3: “ZABA NTALU,” HA MANIMA YULA BIYUVU BITA LANDA:

• Bwe tindiku tia mpangi yo ya yikento na Shane tiakurila?

• Bu kayizi tomo mu zaba nti kayizi bakula?

• Bwe bibuti biandi biayizi mu bakisa, mpe ntia nzengolo ya ndwenga kayizi bonga?