Mona nsuka ya nza yi na lukwikulu

Ntamana, luvivululu lwa Yehova mu bungu dia nza yi mbo lusuka. Mabundu ma bungungu mbo bafukisa mo, timvuka tia makanda tikotela kanda dia Nzambi, mpe Yehova mbo kafukisa ba nkwa mbi ku Armagedo. Bakristo timina die nawu dia mona misamu mio mia nzitukulu.

Dingana, ka tuzebi’â misamu miamiansoni ko mitariri mpasi ziyôkele. Mu tifwani ka tuzebi’â ko misamu misa ti mfumu za politike zamwangasa mabundu. Ka tuzebi’â ko mpe, nkotolo ya makanda mo kwe kanda dia Nzambi ntangu zikwa yisa peleko ntia misamu mi moneka. Ka tuzebi’â ko mpe nti Yehova kasarila mu fukisa ba nkwa mbi ku Armagedo.

Kâ Matsonoko beto mahanaka nsangu zazansoni zi twe na zo nsatu mu mona bilumbu bia ku matu mu lukwikulu na butindi. Mu tifwani, tuzebi ti ku nsuka ya “bilumbu bia mansukina” twena. (2Ti 3:1) Tuzebi ti nkotolo ya makanda kwe mabundu, mbo bakwizi sa ti yabâ “ya nkufi” ngatu dibundu dia matieleka balembo dia fukisa. (Mt 24:22) Tuzebi ti Yehova mbo kavukisa kanda diandi. (2Pi 2:9) Mpe tuzebi ti wô Yehova wukasolele mu fukisa ba nkwa mbi na mu kengerela yungi dia bantu ku Armagedo bunsungu bwe nandi mpe ngolo ze nandi.​—Nz 19:11, 15, 16.

Diangana, misamu mita kwiza ku matu mbo misa ti bantu “batabuka ngambu mu bunkuta.” Kâ, bu tutangaka mpe bu tudimbitilaka nsalulu za mvukulu za Yehova za mu ntama, na mio mi katâ mu bungu dia bilumbu bita kwiza, tulendi “telama mpe tulendi vumbula mitu,” na lukwikulu ti mvukulu’eto yeka penepene.​—Lk 21:26, 28.