LUZINGU LWA BAKRISTO
Yika timinu tiaku ngolo mu Zu dia Nzambi
Zu dia Nzambi dilendi sobesa luzingu lweto. (Eb 4:12) Kâ mu baka ndandu mu lutwalusu lwandi na mu malongi mandi, tufweti bâ na lukwikulu ti nkatika “Zu dia Nzambi” diena. (1Ts 2:13) Bwe tulendi yikila timinu tieto ngolo mu Zu dia Nzambi?
Tangaka lweka lwa Bibila lumbu basiri lumbu. Bu kwe tangi, dinga bidimbu bita songela ti Yehova vwiri dio. Mu tifwani, taluzula malongi me mu mukanda wa Bingana mpe tala bwe tulendi sarila ndwenga zandi lumbu ti.—Bin 13:20; 14:30.
Batika ndongokolo. Dinga mu tomo dinga misamu misongelaka ti Bibila kwe Nzambi diatûka. Mu Guide de recherche pour les Témoins de Jéhovah, kota mu “La Bible” mpe mu “Inspirée de Dieu.” Lendi tomo kwikila ti nsangu za Bibila ka zasoba ko bu kwe taluzuri nsangu ze mu Appendice A3 ya Traduction du monde nouveau.
TALENO VIDEO YA MU BUNGU DIA NTI TWE NA TIMINU [. . .] MU ZU DIA NZAMBI, MPE HANENO MVUTU MU BIYUVU BITA LANDA:
Bwe tibaka tia tempelo ti badzukula ku Karnak, ku Égypte, tisingasaka matieleka ma Zu dia Nzambi?
Bwe tuzabiri ti nsangu za Bibila ka zasoba ko?
Mu bungu ti Bibila diatiri neto tii ntangu yi, bwe musamu wo wukusongelaka ti Zu dia Nzambi diena?—Tanga Izaya 40:8