Ntsia tsivuvu tsiekô mu bungu dia bantu bafwa?

1. Ntsia nsangu za mbote ze kô mu bungu dia bantu bafwa?

Mu ntangu Yezu yakatula ku Bethani, ka mala’ako na Yerusaleme, ndiku’andi Lazare wafwa bilumbu biyá biayoka. Yezu nikayenda ku ndiamu na Marte na Maria bibushi bia Lazare. Kabajingiri’ako, nzanda bantu babazungiriri. Ha ntsia nsayi kwa yina yaba na Maria na Marte mu ntangu Yezu yakavumbula Lazare ku mafwa?​—Tanga Za 11:21-24, 38-44.

Marte nsangu za mbote mu bungu dia bantu bafwa zâkatizabila. Wazaba ti Yehova mbo kafulukisa bantu bafwa ngati bavutu ba tsimoyo ha zulu m’toto.​—Tanga Yobe 14:14, 15.

2. Muntu mbokafwaka bwe kabwanaka e?

Bantu mu m’toto batûka. (Mbatukulu 2:7; 3:19) Katwena mpeve ko zibaka mu kati dia nitu yatsinsuni. Bantu batsinsuni twena, buna kakwena tsima ko mu nitu’eto tsisalaka tsimoyo bô mbotufwaka. Mbo tufwaka, ntongwa’eto mpe yifwiri, mabanza meto mazimbakane. Ntsiangu tala ti Lazare katá nakani musamu wumoshi wukamona ku ntsia mafwa ko, mu bungu ti bantu mbobafwaka kabavutwa zabâ nakani musamu wumoshi ko.​—Tanga Mikunga 146:4; Ekleziaste 9:5, 6, 10.

Ngano Nzàmbi bantu bafwa kamwisaka mpashi ku tiya e? Mu bungu ti Bibila tele ti bantu bafwa kabazabaka nakani musamu wumoshi ko, ekabô benga dia tiya yená ndongosolo ya bungungu yitafingisa nkumbu Nzàmbi. Diambu dia muisá bantu mpashi ku benga dia tíya Nzàmbi ntonto dimutaka.​—Tanga Yeremi 7:31.

Tala video Ngano bantu bu bafwaka bwe babwanaka?

3. Bantu bafwa balenda tuzonzisa e?

Bantu bafwa kabalenda bazonza ko mpe bawa ko. (Mikunga 115:17) Kâ mbazi ze kô zazibi zilenda bonga mbuka ya bantu bafwa mu zonza na bantu bamoyo ngati babanza ti bantu bafwa bena. (2 Piere 2:4) Yehova tuyimini mu yela mu zonza na bantu bafwa.​—Tanga Lubambu 18:10, 11.

4. Nani fuluka ku mafwa e?

Zimilyo za bantu bafwa bê mu ndiamu bakâla tsimoyo ha zulu m’toto. Kani bô balombo zaba Nzàmbi mpe beri sarilaka mbi mbo bavumbuka mpe.​—Tanga Like 23:43; Bisalu 24:15.

Bantu bo bavumbuka, balendi longoka matsieleka matatarila Nzàmbi, mpe balendi songisa tsiminu tsiawu mu Yezu tala ti yandi batatumamana. (Nzabukusu 20:11-13) Bô bafuluka, bamana yirika m’samu miambote, mbo baba na luzingu lwa nsayi lwa ntangu zazansoni ha zulu m’toto.​—Tanga Za 5:28, 29.

5. Mfulukusu bwe yitasongila mu wô wutatarila Yehova?

Mu bungu ti Nzàmbi mwana’andi katambika kiza kafwa mu bungu dia beto ntsiangu bantu bena na tsivuvu tia mfulukusu. Buna tsivuvu tia mfulukusu tsitusongele luzolo lwa Yehova na mulemvo’andi wamunene. Bantu mbo bafuluka nani yangalala wamona e?​—Tanga Za 3:16; Bisi-Rome 6:23.