Zonzela mabanza ma longokele

Ntangu yi yôkesaka mu longoka yilendi ku tindisa, kâ lendi vutu baka nguria lutindusu bu zonzela bimvwama bia timpeve na bantu bakaka. Bingana 11:25 (NWT) yitêle: “Wô tindisaka bantu bakaka, yandi mpe mbo bamutindisa.”

Bu zonzela misamu mi longokele kwe bantu bakaka, lenda di kwizi bâ naku dia bambukila mio na dia tomo mia bakula. Mu bungu ti misamu mio milendi natina ndandu kwe bantu bakaka, nsayi yibâ naku mu zonzela bimvwama bio na bawu.—Bis. 20:35.

Yêla: Mu lumingu luta kwiza, dinga mu zonzela bimvwama bia timpeve na muntu wakaka. Lendi bwa sila na muntu wa kanda diaku, muntu wa timvuka, muntu wu lusalaka, ndiku ya ku lukolo, ndiku ya kartie, peleko muntu wu bwabana na wô mu tisalu tia samuna. Dinga mu mu têla misamu mi longokele mu ntêlo za nge beni mpe za peta.

Kuzimbakanandi: Zonzela misamu milongokele mu tindisa, ka mu tisongela ko.—1 Kor. 8:1.