Misamu mita hana tivuvu mu 2023—Bibila bwe ditâka?

Muvu wa 2023 bu wuta batika, beto bansoni misamu miyôkele bubote tuta kekolo mu bungu dia beto na makanda meto. Mu bungu dia nti tulendi bâ na mabanza ma mbote mu bilumbu bita kwiza?

Bibila tivuvu dihanaka

Bibila nsangu za mbote dihanaka ti misamu mi tuta bwabana na mio bwawu bu, mia ntangu fioti kwa miena mpe ntamana mbo miyilama. Diangana, Bibila “batsoneka [dio] mu tu longesa, ngatu [. . .] mu mbombolo ya Matsonoko, tabâ na tivuvu.”—Bisi-Rome 15:4.

• Mu zaba nsangu zakaka mu kani dio dia Bibila, tanga mutu-diambu wa “Nkatika tivuvu mu bungu dia bilumbu bia ku matu biyôkele bubote.”

Tivuvu tilendi ku bakisa bwawu bu

Tivuvu tia Bibila tilendi bâ ntiana “tisengo tisikamasaka bato mu luzingu lweto.” (Bahebre 6:19) Tivuvu tio beto tisikamasaka. Beto tibakisaka mu telamana misamu mieto bwawu bu, mu bâ na mabanza ma mbote, na mu baka nsayi ya mankululu. Mu tifwani:

• Dzukula bwe tivuvu tia Bibila tiabakisila muntu weri telamanaka tifu tia mbi. Tala video yitêle Mbêlo’ani ya kumfwatika.

• Tala bwe tivuvu tia Bibila tilendi tu bakisila bu tufwiluluku muntu. Tala video ya Lutindusu kwe bô bafwilulu muntu.

Yika tivuvu tiaku ngolo

Bantu babingi bê na tivuvu ti misamu mia mbote mikwiza, kâ ka balendi’â babâ na lukwikulu ko ti tivuvu tiawu mbo tilungana. Makani ma Bibila ma swaswana mena. Mu bungu dia nti? Mu bungu ti makani ma Bibila kwe Yehovaa Yandi beni matûka, “Yandi lendi lembo huna.” (Tite 1:2) Yehova kwa we na lenda dia lungisa makani mandi mamansoni; Yandi lendi sa “tima ni tima ti kazololo mu sa.”—Mikunga 135:5, 6.

Buna tukulombele mu baka ndandu mu tivuvu tia nsungu ti hanaka Bibila. Lendi kurisa lukwikulu lwaku mu tivuvu tio bu “tomo taluzulaka Matsonoko.” (Bisalu 17:11) Dzukula nge beni bu kwe yêle ndongokolo’eto ya Bibila na mulongi. Batika muvu wa 2023 na tivuvu!