Mbangi za Yehova na mfukulu ya Bayuda kwe Banazi—Bibila bwe ditâka?

Mu tilumbu tia 27 janvier 2023, bantu babingi babambukila mfukulu ya Bayuda kwe Banazi (Holocauste). Misamu mia mbi mi bayirika tûka mvula yôka 75, milendi tu tuma mu tiyula mu bungu dia nti Nzambi kabika bahonda Bayuda kwe Banazi.

• Mu zaba nti Bibila ditâka, tanga mutu-diambu wa “Mu bungu dia nti Banazi bahondela pôka dia Bayuda? Mu bungu dia nti Nzambi kalembo sila tima?”

Kanda dia Bayuda mpasi zazingi diamona mu bungu dia mfukulu yabanatina Banazi. Milio za bantu zazingi bahonda. Bantu ba bimvuka biakaka mpe bamwisa mpasi mpe bahonda mu ntangu ya Holocauste. Ha kati diawu na Mbangi za Yehova zi bakwamisa mu bungu dia nkwikulu zawu za mu Bibila.

• Mu baka nsangu zakaka, tanga mutu-diambu wa “Nti biatûrila Mbangi za Yehova mu ntangu ya Banazi?”

“Bilumbu bita kwiza na tivuvu”

Bantu babingi batinaka ti musamu wa mpila yo wavutu yilama. Kâ Bibila bilumbu bia ku matu dizonzelaka bilembo vutu bâ na misamu mia mpila yo.

• “‘Mu bungu ti mabanza me nani mu bungu dia beno ma nzebi’, Yehova têle bo. ‘Mabanza ma tidzunu nzololo mu bungu dia beno, ka ma mpasi’â ko. Nzololo naluhana luzingu lwa mbote lwa bilumbu bita kwiza, na tivuvu.’”—Yeremi 29:11.a

Tivuvu tio mbo tilungana, Yehova bu kasukisa mbi mpe bu kazimbakasa mpasi. Ntamana Yehova:

• mbo kafukisa bantu batimunaka bantu bakaka.—Bingana 2:22.

• mbo kawasisa bô bayizi mona mpasi.—Nzabukusu 21:4.

• mbo kavumbula bantu bafwa ha mutoto.—Za 5:28, 29.

Lendi kwikila tivuvu tia lutindusu ti hanaka Bibila. Mu longoka mu bungu dia nti, tukulombele mu yêla ndongokolo ya Bibila ya mpamba na mulongi.