Mu bungu dia nti Mbangi za Yehova zilembo sarilaka kruwa mu nsambululu’awu?

Bantu babingi babongela kruwa ntiana tidimbu tia Bukristo. Ni bu sa ti Mbangi za Yehova Bakristo zena, ka tusarilaka kruwa ko mu nsambululu’eto. Mu bungu dia nti?

Musamu wa ntete ni wena’eti Bibila ka ditâka ko ti Yezu ha kruwa kafwila, kâ ha poto kwa dia mpamba. Musamu wakaka, Bibila ntumunu eyi dihanaka kwe Bakristo: “Diokeno nsambululu ya biteki,” wuzololo tâ ti ka bafweti’â basarila biteki ko mu nsambululu’awu.​—1 Bisi-Korente 10:14; 1 Za 5:21.

Taleno misamu mia tâ Yezu: “Ni bo, bantu babansoni bazabila ti beno milongoki miani miena, tala ti lubêle na luzolo beno na beno.” (Za 13:34, 35) Yezu wasongela ti tima tizabikisa milongoki miandi mia matieleka, ni luzolo lulendi tuma muntu mu hana luzingu lwandi​—kâ ka kruwa ko peleko tima ni tima tiakaka tia nsambululu.