2. Ntia misamu na ntia ndiatulu zimonekaka tûka 1914?

Milongoki mia Yezu miamuyula: “Ntia tidimbu tisongela ti nge ni hô wena na tisongela nsukunu ya nza?” (Matie 24:3, NWT) Mu hana mvutu, Yezu wazonzela misamu miaketi tûla ha manima ma ntangu yi kaketi batika mu yâla, bu kaketi bâ Mutinu wa Timfumu. Mu misamu miango mwe na mizingu, nsatu na midikutulu mia mutoto. (Tanga Matie 24:7.) Bibila mpe diatâ ti ndiatulu ya bantu mu “bilumbu bia mansukina” mbo yaketi sa ti luzingu lwabâ “mpasi mu korela.” (2 Timote 3:1-5, NWT) Misamu mio na ndiatulu yo biatomo moneka tûka 1914.

3. Mu bungu dia nti nza ye ya mbi tûka bwa batika mu yâla Timfumu tia Nzambi?

Yezu bu kayizi bâ Mutinu, ha manima, wanwana muzingu na Satana na bademo. Satana walembana muzingu. Bibila ditêle ti “bamulosa ha mutoto, mbazi zandi mpe balosa zo ha timosi na yandi.” (Nzabukusu 12:9, 10, 12, NWT) Satana nkesi ze nandi mu bungu ti zebi ti mbo bamufukisa. Ntiangu katulumunaka mpasi na mbi mu nza. Ka wena wa nzitukulu ko ti misamu miabâ mia mbi mu nza! Timfumu tia Nzambi mbo timanisa misamu mio.