TIMOKO 17

Ngano Yezu bwe kena?

Mukanda wa papier

Bu tulongokaka misamu mia tâ Yezu na mi kayirika ha mutoto, mbo tudzukulaka bifu bisaka ti tabâ ndiku za Yezu na za Tata’andi Yehova. Ngano Yezu ntia bifu bia toma bie nandi? Mpe, bwe tulendi landila tifwani tia Yezu mu luzingu lweto?

1. Ngano bwe Yezu ke ntiana Tata’andi?

Ku zulu, Yezu wamona mpila yisarilaka Tata’andi dia luzolo, mpe mvula za nkatika zazingi kayizi longoka ha lweka lwandi. Buna, Yezu we ntiana Yehova mu mabanza, mu nsalulu na mu misamu mi kamonaka ku mutima. (Tanga Za 5:19.) Diangana, Yezu watomo landa bifu bia Tata’andi, ni katâ ti: “Wô kumweni, mweni mpe Tata.” (Za 14:9) Bu kwe longoke bifu bia Yezu, mbo kwizi tomo zaba Yehova. Mu tifwani, tiari tia mutima tia Yezu mu bungu dia bantu tisongele misamu mi monaka Yehova ku mutima mu bungu dia nge.

2. Ngano Yezu bwe kasongela ti Yehova kazoloko?

Yezu watâ: “Ngatu nza yazaba ti meno Tata Yandi nzolo, buna bwa kuntuma Tata, ni buna mpe nikwe se.” (Za 14:31, NWT) Bu kabâ ha mutoto, Yezu wasongela luzolo lwalwingi mu bungu dia Tata’andi bu kamutumamana ni bu sa ti musamu wa mpasi weri. Yezu mpe wazolo mu zonzelaka Tata’andi na mu bakisa bantu bakaka mu bâ na tindiku na Yandi.—Za 14:23.

3. Bwe Yezu kasongela ti bantu ba kazololo?

Bibila ditêle ti Yezu ‘bantu [keri] tomo zoloko.’ (Bingana 8:31, note) Yezu wasongela luzolo lwandi bu katindisa mpe bu katihana mu bakisa bantu. Yezu wasa bimangu mu songela ngolo zandi, kâ mpe na mu songela tiari tiandi tia mutima. (Marke 1:40-42) Yezu mu nsayi keri bongelaka bantu, mpe ka bâ na tihambulaka ko. Misamu mi keri tâka lutindusu na tivuvu mieri hanaka kwe bantu babansoni ba sungama beri mu wâka. Yezu watambula mu mona mpasi na mu fwa mu bungu dia luzolo lwandi mu bantu babansoni. Kâ, Yezu bantu balandaka ndongosolo zandi katomo zoloko.—Tanga Za 15:13, 14.

YIKA NDILU

Tomo longoka bifu bia Yezu. Mpe taluzula bwe lendi songela luzolo na tifu tia kaba, ntiana yandi.

4. Yezu Tata’andi kazoloko

Tifwani tia Yezu mbo titulongesaka bwe tulendi songela luzolo lweto mu bungu dia Nzambi. Tangeno Like 6:12 na Za 15:10; 17:26. Bu lumana tanga muna verse, zonzeleno tiyuvu eti:

Bwe tulendi songela luzolo lweto mu Yehova bu tukwe landi tifwani tia Yezu?

Yezu ta sambila. — Yezu watomo zolo Tata’andi dia ku mazulu mpe mbo keri vulu zonza na Yandi mu lusambulu

5. Yezu bantu bê na nsatu lubakusu kabelokelaka lwaka

Yezu nsatu za bantu bakaka keri yôkesaka ku matu ntete za yandi. Ni bu sa ti wa fwatika weri, ntangu’andi na ngolo zandi keri sarilaka mu bakisa bantu. Tangeno Marke 6:30-44, mpe zonzeleno biyuvu ebi:

Mu tinsamu ti, bwe Yezu kasongela ti bantu bakaka kabelokelaka lwaka?—Tala verse 31, 34, 41, na 42.
Ngano nti biatuma Yezu mu bakisa bantu?—Tala verse 34.
Mu bungu ti Yezu bifu bia Yehova kalandaka, nti misamu mio miamiansoni mita ku longesa mu Yehova?
Bwe tulendi landila tifwani tia Yezu mu mpila ya belokelaka bantu bakaka lwaka?

Yezu dikiri bantu babingi mu timangu, bu kafunisi mampa tanu na mbizi zole za fioti. Milongoki mikabiri bidia kwe babakala, bakento na kwe bala.

6. Yezu kaba keri kabaka

Yezu kaba keri kabaka ni bu sa ti ka bâ na bimvwama biabingi ko, mpe watulomba takabaka. Tangeno Bisalu 20:35, mpe zonzeleno tiyuvu eti:

Mu mabanza ma Yezu, bwe tulendi bêla mu nsayi?

Taleno VIDEO, mpe zonzeleno tiyuvu tita landa.

VIDEO: “Kaba kuyôkele nsayi”—Lweka (4:00)

Ngano bwe tulendi kabilaka, ni bu sa ti ka twena na bimvwama biabingi ko?

Ngano wa wazaba?

Bibila mbo ditulongesaka mu sambilaka Yehova mu nkumbu ya Yezu. (Tangeno Za 16:23, 24.) Bu tusambilaka mu mpila yo, mbo tusongelaka ti matondo tuvutulaka kwe Yezu bu kayizi tu bakisa mu bâ ndiku za Yehova.

TALA TI BAKUTÊLELE: “Nzambi ka kipaka mpasi zeto ko.”