TIMOKO 50
Bwe kanda diaku dilendi bêla mu nsayi?—Lweka 2
Bala kabu dia Yehova diena. Kwe bibuti kalomboka mu kipa kabu dio. Yehova malongi kahanaka malendi bakisa bibuti mu sila bo. Malongi mango mpe mbo masongelaka bwe bala balendi sa, ngatu kanda diabâ mu nsayi.
1. Ntia malongi Yehova kahanaka kwe bibuti?
Yehova zololo ti bibuti biazolo bala bawu mpe bayôkesaka ntangu yayingi na bawu. Zololo mpe ti bibuti biakengerela bala bawu mu misamu mia mbi mpe basarila mitieno mia Bibila mu ba longesa. (Bingana 1:8) Yandi têle kwe batata: ‘Tatamaneno mu yindula [bala beno] mu [. . .] ndwengosolo za Yehova.’ (Tanga Bisi-Efeze 6:4, NWT.) Yehova nsayi yi bâka nandi, bibuti bu bilandaka lutwalusu lwandi mu sansa bala bawu na bu balembo hanaka dema dio kwe muntu wakaka.
2. Ntia malongi Yehova kahanaka kwe bala?
Yehova lombele kwe bala: “Tumamanakeno bibuti bieno.” (Tanga Bisi-Kolose 3:20, NWT.) Bala bu bazitisaka na bu batumamanaka bibuti biawu, Yehova na bibuti biawu nsayi yi bâka nawu. (Bingana 23:22-25) Yezu wasisa tifwani tia mbote bu kabâ mwana fioti. Ni bu sa ti wa lunga weri, watumamana mpe wazitisa bibuti biandi.—Like 2:51, 52.
3. Bwe kanda dilendi pusana kwe Nzambi?
Tala ti nge tibuti tiena, ntembe kâni, we naku bala baku bazolo Yehova ntiana nge. Bwe lendi lungisila kani dio? Bu kwe se mio mi lombaka Bibila: ‘Fweti kotesa [Zu dia Yehova] mu mutima wa mwana’aku mpe fweti mia zonzelaka bu bâ wa zakala mu nzo’aku na bu kwenda mu nzila.’ (Lubambu 6:7) “Kotesa” wuzololo tâ longesa musamu bu kwe wa kâriri. Kampe zebi ti, fweti kârilaka misamu kwe mwana’aku ngatu kabambukilaka mio. Verse yo yizololo tâ ti fweti dingaka ntangu ya zonzeleka misamu mia Yehova kwe mwana’aku. Musamu wa mbote wena kwe kanda mu kubikaka ntangu ya longoka Bibila. Tala ti ka wena na bala ko, lendi baka kwa mpe ndandu zazingi bu kubikaka ntangu ya longoka Zu dia Nzambi.
YIKA NDILU
Taluzula malongi ma mbote makengerela kanda na masa ti diabâ mu nsayi.
4. Longesa bala baku mu luzolo
Longesa bala wulendi bâ musamu wa mpasi. Bwe Bibila dilendi ku bakisila? Tangeno Zaki 1:19, 20, mpe zonzeleno biyuvu ebi:
Bwe bibuti bilendi songela luzolo bu bazonzaka na bala bawu?
Mu bungu dia nti bibuti bifweti lembo sembaka bala bawu bu babâka mu nkesi?a
5. Kengerela bala baku
Mu kengerela bala baku, nkatika mfunu wena mu zonzela kwe muna mwana musamu wutariri vukasa kwa nitu. Wulendi bâ musamu wa mpasi. Taleno VIDEO, mpe zonzeleno biyuvu bita landa.
Mu bungu dia nti wulendi bâ musamu wa mpasi kwe bibuti biakaka mu zonzela musamu wutariri vukasa kwa nitu kwe balu bawu?
Bwe bibuti biakaka biazonzela musamu wutariri vukasa kwa nitu kwe bala bawu?
Ntiana bu babikula wo, nza ya Satana yeka ya nkatika ya mbi. Tangeno 2 Timote 3:1, 13, mpe zonzeleno tiyuvu eti:
Bantu bakaka ba mbi ba bazonzele mu verse 13, mbo badingaka mu vukasa nitu na bala ba fioti mu ngolo. Ntiangu, nkatika mfunu wena kwe bibuti mu longesa misamu mitariri vukasa kwa nitu kwe bala bawu, na mpila yi balendi tikengerela mu bantu bo?
Ngano wa wazaba?
Mbangi za Yehova mikanda miamingi badukisaka mibakisaka bibuti mu longesa bala bawu misamu mitariri vukasa kwa nitu na mpila yi balendi tikengerela mu bantu ba mbi. Mu tifwani, tala:
6. Zitisa bibuti biaku
Bala na batwenia balendi songela buzitu kwe bibuti biawu mu mpila yi babazonzelaka. Taleno VIDEO, mpe zonzeleno biyuvu bita landa.
Mu bungu dia nti bwe bubote kwe bantwenia mu zonzaka na bibuti biawu mu buzitu?
Bwe ntwenia yilendi zonza na bibuti biandi mu mpila yisongela ti bawu kata zitisa?
Tangeno Bingana 1:8, mpe zonzeleno tiyuvu eti:
Ngano ntwenia nti yilendi sa bu bamuhanaka lutwalusu kwe bibuti biandi?
7. Sarileno Yehova mu kanda
Makanda ma Mbangi za Yehova ntangu makubikaka mu lumingu mu bâka na nsambululu. Ngano nsambululu yo ya kanda bwe yilendi yôkela? Taleno VIDEO, mpe zonzeleno biyuvu bita landa.
Bwe kanda dilendi bêla na programe ya nsambululu ya kanda ya ntangu zazansoni?
Ngano tibuti nti tilendi sa ngatu nsambululu ya kanda yabâ ya mbote mpe mu nsayi?—Tala tifwani tie ku mbatukulu ya timoko ti.
Nti bilendi sa ti longoka mu kanda wabâ musamu wa mpasi?
Ku Israele ya ntama, Yehova walomba kwe makanda mu vulu taluzulaka Matsonoko. Tangeno Lubambu 6:6, 7, mpe zonzeleno tiyuvu eti:
Bwe lendi sarila mutieno wo?
Mabanza ma nsambululu ya kanda:
Kubikeno tukutakanu twa timvuka.
Tangeno mpe zonzeleno tinsamu tia Bibila titâ kanda diaku nsayi.
Tala ti bala ba fioti bê naku, benda peleko dukisa bisalu bia bala mu jw.org.
Tala ti ntwenia ze naku, zonzeleno mitu-diambu mia bantwenia mu jw.org.
Banzeno mpe seno ntiana mu ntangu ya Bibila lwena.
Taleno mpe zonzeleno video ya mu jw.org.
TALA TI BAKUTÊLELE: “Musamu wa mpasi wena kwe bala mu bakula Bibila.”
Ngano bwe lendi tâ?
MU BUKUFI
Yehova zololo ti bibuti biazolo, bialongesaka mpe biakengerelaka bala bawu; zololo ti bala bazitisa mpe batumamana bibuti biawu; mpe zololo ti makanda mamusarila mu tintwari.
Biyuvu bia mbambukulu
Bwe bibuti bilendi longesela mpe bilendi kengerela bala bawu?
Bwe bala balendi zitisila bibuti biawu?
Kubikaka ntangu mu bungu dia nsambululu ya kanda lumingu basiri lumingu, ntia ndandu kunataka?
ZABA BIAKAKA
Ntia malongi malendi kubika mwana’aku mu bâ muntu wa yela?
“Malongi masambanu mafweti longoka bala” (Réveillez-vous! No. 2 2019)
Longoka malongi ma mbote ma hanaka Bibila kwe bô bakipaka bibuti biawu bia nuna.
“Bibila bwe ditâka mu kipa bibuti bia nuna?” (Mutu-diambu wa mu Internet)
Tala bwe bakala dimosi dialembo zaba mu sansa bala, diayizi bâ tata dia mbote.
Longoka bwe batata balendi yika ngolo tindiku tiawu na bala bawu ba babakala.
a Mu Bibila, “nsembolo” ndongosolo yibâka, lutwalusu lu bahanaka kwe mwana mu mu bakisa mu soba mabanza na ndiatulu ya mbi. Bu basembaka, ka basarilaka miangu ko, mpe ka bayôkesaka ndilu ko.—Bingana 4:1.