• Ngano wa kubama wena mu batusu?
    Bâ mu nsayi ntangu zazansoni!—Ndongokolo ya Bibila
    • Timoko 47. Mulongoki wa Bibila wuta banza bateme, bu kata tala bakala dimosi dita batusu.

      TIMOKO 47

      Ngano wa kubama wena mu batusu?

      Misamu miamingi walongele mu ndongokolo’aku ya Bibila. Kampe nsobolo wasiri mu sarila misamu mi walongokele. Kâ, kulendi bâ bima biakaka bita ku kabakasa mu tihana kwe Yehova na mu batusu. Timoko ti mbo tizonzela misamu mivulu kabasaka muntu mu batusu, mpe bwe lendi mia telamana.

      1. Nti fweti toko zaba ntete wabatusu?

      Mu batusu, fweti bâ na “nkatika luzabu lwa butieleka.” (1 Timote 2:4, NWT) Ka wuzololo’â tâ ko ti fweti zaba mvutu za biyuvu biabiansoni bia mu Bibila, ntete wabatusu. Bakristo babatusu tûka ntama mpe, mbo batatamanaka mu longoka. (Bisi-Kolose 1:9, 10) Kâ, fweti bâ na ngwilu ya mbote ya ndongosolo za nguri za Bibila. Bakuluntu ba mu timvuka mbo bakubakisa mu zaba tala ti luzabu lwa fwana lwe naku.

      2. Ntia bitini fweti landa ntete wabatusu?

      Ntete wabatusu, fweti ‘soba mabanza [. . .] mpe fweti vutuka.’ (Tanga Bisalu 3:19.) Wuzololo tâ ti fweti tomo nionga mu bungu dia masumu ma wayirika, mpe fweti lomba kwe Yehova kakulemvokela. Fweti bika nsalulu za mbi, mpe fweti bonga nzengolo ya bâ na mbêlo yitâka Nzambi nsayi. Fweti batika mpe mu yirikaka misamu mia timvuka, bu kwendaka ku tukutakanu na bu kwe samuni, bu mana bâ tisamuni tilembolo tia batusu.

      3. Mu bungu dia nti fweti lembo bika bunkuta bwakukabakasa?

      Bakaka bunkuta bubâka nawu bwa lembo lenda mu lungisa bima bi bakanisina Yehova. Diangana, mbo kwizi tâ makuba, ntiana bisari bia kwikama bi zonzelaka Bibila. Kâ Yehova ka lombaka kwe bisari biandi ko biabâ bia lunga. (Tanga Mikunga 103:13, 14.) Yehova nsayi kamonaka bu sarilaka ngolo zaku zazansoni! Mbo kakubakisa. Dieka bo, Yehova tu heni lukwikulu ti ka kwena tina ko “tilendi tu hambasa na luzolo [lwandi].”​—Tanga Bisi-Rome 8:38, 39.

      YIKA NDILU

      Dzukula bwe telamana bima bikabakasaka mu batusu bu kwe longoke mu tomo zaba Yehova, mpe bu kwe tamburi lubakusu lwandi.

      Tifwani: Mwana mukento wuta nunga nkwamusu za batusu. Binsamu bia mu timoko ti.

      4. Longoka mu tomo zaba Yehova

      Mukento wango wuta twarisa ndongokolo ya Bibila ya mukento wumosi.

      Bwe lendi tomo zabila Yehova ntete wabatusu? Fweti tomo mu zaba, mu mu zolo na mu dinga mu mu tâ nsayi. Taleno VIDEO mu mona bwe milongoki mia Bibila mia nza misaka. Ha manima zonzeleno biyuvu bita landa.

      VIDEO: Nzila yinataka ku bateme (3:56)

      • Mu video, nti biabakisa bantu bakaka mu kubama mu bungu dia bateme?

      Tangeno Bisi-Rome 12:2, mpe zonzeleno biyuvu ebi:

      • Ngano ntembe ze naku mu ndongosolo za Bibila peleko ti Mbangi za Yehova matieleka zilongesaka?

      • Tala ti ni bo wena, nti lendi sa?

      5. Telamana bima bilendi ku kabakasa mu batusu

      Mukento wango ta kwe longoka Bibila ntono nkwamusu za nguri’andi.

      Bu tusolaka mu tihana kwe Yehova na mu batusu, beto bansoni nkwamusu tubwabanaka na zo. Mu mona tifwani timosi, taleno VIDEO, mpe zonzeleno biyuvu bita landa.

      VIDEO: Luzolo mu bungu dia Yehova lunungini bikaku (5:22)

      • Mu video, ntia bikaku Narangerel kafweti telamana mu sarila Yehova?

      • Bwe luzolo lwa Yehova lwamubakisila mu nunga bikaku bio?

      Tangeno Bingana 29:25 na 2 Timote 1:7, mpe zonzeleno tiyuvu eti:

      • Nti bituhanaka butindi bwa telamana bikaku?

      6. Kwikila mu lubakusu lwa Yehova

      Mukento wango wuta samunina mukento wakaka ku nzo’andi. Mulongi’andi wa Bibila wuta mu turisa mu tisalu tia samuna.

      Yehova mbo kakubakisa mu mu tâ nsayi. Taleno VIDEO, mpe zonzeleno biyuvu bita landa.

      VIDEO: Yehova mbo kakubakisa (2:50)

      • Mu video, nti biatuma mulongoki wa Bibila mu kekama mu batusu?

      • Nti kalongoka biamubakisa mu kurisa lukwikulu lwandi mu Yehova?

      Tangeno Izaya 41:10, 13, mpe zonzeleno tiyuvu eti:

      • Mu bungu dia nti lendi bâ na lukwikulu mu lungisa kani di wasa bu watihana kwe Nzambi?

      7. Tomo tondaka mu bungu dia luzolo lwa Yehova

      Mwana mukento wango ta sambila yandi kaka.

      u vulu dimbitilaka mu luzolo lwe na Yehova mu nge, mbo vulu mu tondaka mpe mbo dinga mu mu sarila mankululu. Tangeno Mikunga 40:5, mpe zonzeleno tiyuvu eti:

      • Ntia tusakumunu twa Yehova tomo zoloko?

      Mbikuri Yeremi wazolo Yehova na Zu diandi, mpe watomo tonda mu bungu dia bweso bwa lwata nkumbu ya Yehova. Yandi watâ: “Mpe zu diaku diayizi bâ nienze kwe meno na nsayi ya mutima’ani, mu bungu dia nkumbu’aku yi nilwataka, Ô Yehova, Nzambi ya binwani.” (Yeremi 15:16) Hana mvutu mu biyuvu ebi:

      • Mu bungu dia nti we wa nzitukulu mu bâ Mbangi ya Yehova?

      • Ngano zololo wabatusu mpe wabâ Mbangi ya Yehova?

      • Ngano tima tie kô tita ku kabakasa?

      • Nti ta banza bi fweti sa mu lungisa kani dia bateme?

      Mukento wango ta batusu bu bata mu vwika mu mamba.

      TALA TI BAKUTÊLELE: “Bunkuta bwe nani bwa lembo lungisa makani mani bu nibatusu.”

      • Ngano mabanza ni mo me naku?

      MU BUKUFI

      Na lubakusu lwa Yehova lendi telamana bima biabiansoni bilendi ku kabakasa mu batusu.

      Biyuvu bia mbambukulu

      • Ntia luzabu lufweti bâ naku mu batusu?

      • Ntia nsobolo fweti sa mu batusu?

      • Mu bungu dia nti fweti lembo bika bunkuta bwakukabakasa?

      Kani

      ZABA BIAKAKA

      Taluzula mwe nzengolo’aku ya batusu yifweti sikamana.

      “Ngano wa kubama wena mu batusu?” (Nzo ya Zangama ya Munkengi, mars 2020)

      Longoka mu telamana nkwamusu zilendi ku kabakasa.

      “Nti bita kunkabakasa mu batusu?” (Nzo ya Zangama ya Munkengi, mars 2019)

      Tala bwe bakala dimosi dianungina bikaku bia nguri mu batusu.

      ‘Mu bungu dia nti lembolo wa batusu?’ (1:10)

      Ntete, bakala di batâka nkumbu Ataa mbo dieri kekamaka mu batusu. Tala nti biamuhana lukwikulu mu yôka titini tio tia mfunu.

      Ngano mfweni mu musamu wo? (7:21)