Bwe basamuninaka nsangu za mbote?

Ntamana, mu nzila ya Timfumu tiandi, Yehova mbo kakatula mpasi zeto zazansoni. Nsangu zango za nkatika za toma zena, ntiangu bantu babansoni bafweti za zaba. Yezu wazolo ti milongoki miandi miasamuna nsangu zo kwe bantu babansoni! (Matie 28:19, 20) Bwe Mbangi za Yehova zahanina mvutu mu ntumunu yo ya Yezu?

1. Bwe Matie 24:14 yita lunganana lumbu ti?

Yezu watâ ti: “Nsangu za mbote za Timfumu, mbo basamuna zo ha mutoto wawansoni.” (Matie 24:14, NWT) Mbangi za Yehova nsayi ye nawu mu sala tisalu tio tia mfunu. Mu mazu yôka 1 000 tusamunaka nsangu za mbote mu nza yayansoni! Tisalu tio tia tinene, ngolo tita dinga na bunkete bwabwingi. Ka tilendi’â tiasalama ko tala ti lubakusu lwa Yehova kâni.

2. Ntia ngolo tusarilaka mu samunina bantu?

Kwakwansoni ku tulendi mona bantu tusamuninaka. Ntiana Bakristo ba mu mbandu ya ntete, mbo tusamunaka “mu nzo na nzo.” (Bisalu 5:42, NWT) Mpila yo yasarila ya kutama, mbo yitubakisaka mu zonza na milio za bantu mvula basiri mvula. Mu bungu ti bantu ka babâka ku nzo ko ntangu zazansoni, mbo tusamunaka mpe mu mbuka zi bâka bantu babingi. Ntangu zazansoni, mbo tudingaka mu zonzela Yehova na makani mandi kwe bantu.

3. Nani we na dema dia samuna nsangu za mbote?

Bakristo ba matieleka babansoni bafweti samuna nsangu za mbote kwe bantu bakaka. Na bunsungu bwabwansoni tulungisaka dema dieto. Mbo tusamunaka buna bu tulendaka, mu bungu ti tuzebi ti bantu balendi vuka. (Tanga 1 Timote 4:16.) Ka batufutaka ko mu sala tisalu tiango, mu bungu ti Bibila mbo ditâka ti: “Bia mpamba lwabakiri, haneno mpe bia mpamba.” (Matie 10:7, 8) Bantu babansoni ka batambulaka nsangu zeto ko. Kâ mbo tutatamanaka mu samuna mu bungu ti Yehova tutumamanaka mpe nsayi tumutâka.

YIKA NDILU

4. Ngolo tusarilaka mu bwabana na bantu babansoni

VIDEO: Mu mbuka ze nkatika mala za mutoto” basamuninaka” (7:33)

• Nti bita ku susumuna mu ngolo zi sarilaka Mbangi za Yehova mu samuna?

Tangeno Matie 22:39 na Bisi-Rome 10:13-15, mpe zonzeleno biyuvu ebi:

• Bwe tisalu tieto tia samuna tisongelaka ti bampwana’eto ba tuzololo?

• Bwe Yehova kamonaka ku mutima mu bô basamunaka nsangu za mbote?​—Tala verse 15.

5. Tintwari tusalaka na Nzambi

Binsamu biabingi bisongelaka ti Yehova tisalu tieto katwarisaka. Mu tifwani, ku Nouvelle-Zélande, mpangi mosi ya yibakala yi batâka nkumbu Paul, yabwabana na mukento wumosi mu tisalu tia samuna tia nzo na nzo, mu mwini. Pari tio kwa, mukento wuna wasambila Nzambi, bu kasarila nkumbu’andi Yehova, mpe walomba ti muntu wamutâ mbila. Paul têle ti: “Ha manima ma heures zitatu, ha mwelo’andi nabâ.”

Tangeno 1 Bisi-Korente 3:9, mpe zonzeleno tiyuvu eti:

• Bwe binsamu ntiana ti tia Nouvelle-Zélande bita songela ti Yehova tisalu tia samuna kata twarisa?

Tangeno Bisalu 1:8, mpe zonzeleno tiyuvu eti:

• Mu bungu dia nti twe na nsatu lubakusu lwa Yehova mu lungisa tisalu tieto?

Ngano wa wazaba?

Tumingu twatwansoni, ku tukutakanu tweto twa ha kati dia lumingu, ndongokolo tubakaka yitubakisaka mu samuna. Tala ti ku tukutakanu to wabêle, ngano bwe wamwini ndongosolo yi tubakaka?

6. Mu ntumunu ya Nzambi ya kwe samuna tutumamaka

Mu mbandu ya ntete, bantu bayêla mu kabakasa milongoki mia Yezu mu samuna. Bakristo ba ntete banwanina nswa’awu wa samuna “nsangu za mbote ku tribinale.” (Bisi-Filipe 1:7, NWT) Lumbu ti mpe, Mbangi za Yehova ni bo zisaka.a

VIDEO: Nwanina nsangu za mbote ku tribinale (2:28)

Tangeno Bisalu 5:27-42, mpe zonzeleno tiyuvu eti:

• Mu bungu dia nti tulembo bikilaka mu samuna?—Tala verse 29, 38, na 39.

MU BUKUFI

Yezu walomba kwe milongoki miandi mu samuna nsangu za mbote kwe makanda mamansoni. Yehova kanda diandi kabakisaka mu sala tisalu tio.

Biyuvu bia mbambukulu

• Bwe basamunika nsangu za mbote mu nza yayansoni?

• Bwe tisalu tieto tia samuna tisongelaka ti bampwana’eto ba tuzololo?

• Mu nge, ngano tisalu tia samuna tilendi tutâ nsayi? Mu bungu dia nti?

ZABA BIAKAKA

Tala bwe Mbangi za Yehova zisamuninaka bantu mu mahata ma manene.

Campagne spéciale mu samuna mu mbuka zibâka na bantu babingi ku Paris (5:11)

Ngano Mbangi za Yehova nti zasa mu bakisa bantu baye swama ku bunzenza?

Mamba ma luzingu bata hana kwe bantu baye swama ku bunzenza (5:59)

Wâ muntu wuta bangula mu bungu dia nti yôkesaka ntangu yayingi mu tisalu tia samuna ku mu tâka nsayi.

Nsayi ye nani bu nasola tisalu ti (6:29)

Zaba bwe nzengolo za mfundusu zakaka zasa ti tisalu tia samuna tiakula.

“Bisamuni bia Timfumu bineti misamu ku tribinale” (Timfumu tia Nzambi sala tita sala!, tikapu 13)