12. Tintwari na 1 Piere 3:18, 22, bwe mvumbukulu ya Yezu kwe ba fwa ye ya swaswana na ya bantu batoko vumbuka kwe ba fwa ntete yandi?

¹² Paulo yandi beni wazaba ti ‘Kristo wavumbuka kwe ba fwa.’ Mvumbukulu yo yayôka mvumbukulu ya bô batoko vumbuka mu bungu ti bavutu fwa ha manima. Paulo watâ ti Yezu weri ‘[mbutu za] ntete kwe bô basêkele [ku lufwa].’ Mu ntia mpila Yezu keri wa ntete? Yezu weri muntu wa ntete wavumbuka kwe ba fwa mu nitu ya timpeve mpe weri muntu wa ntete wanaka ku mazulu.​—1 Kor. 15:20; Bis. 26:23; tanga 1 Piere 3:18, 22.

16. Paulo bu katâ Yezu “mbutu za ntete” bwe keri zolo tâka?

¹⁶ Paulo watsoneka ti Kristo wavumbuka ntiana ‘[mbutu za ntete] kwe bô basêkele [ku lufwa].’ Bambuka ti bantu bakaka ntiana Lazare, bavumbuka kwe ba fwa ha mutoto, kâ, Yezu ni yandi wa ntete wavumbuka kwe ba fwa na nitu ya timpeve mpe wabaka luzingu lwa mankululu. Bamufwanakasa na mbutu za ntete zeri tiaka bala ba Israele zi beri hanaka kwe Nzambi mu makabu. Musamu wakaka Paulo wu katêla Yezu “mbutu za ntete,” ni wena’eti, ha manima ma mvumbukulu ya Yezu, bantu bakaka baketi baka mvumbukulu ya ku mazulu. Bantumwa na bantu bakaka ‘mu Kristo’ mbo baketi landa Yezu. Ntangu bu yaketi fwana, mbo baketi kwizi baka mvumbukulu ye nsinsa na mvumbukulu ya Yezu.