TIMOKO 52
Mu bungu dia nti ndwatulu’eto na mpila yi tumonekenaka ye mfunu
Beto bansoni mbo tuzoloko mu sola binkuti bi tulwata na mpila yi tumonekena. Tamana landa mitieno mia Bibila, mbo tusola mu lwata bio bi tuzololo, kâ mpe mbo tuyangirika Yehova. Tataluzula mitieno miango.
1. Ntia mitieno mifweti ku twarisa mu nzengolo yitariri ndwatulu?
Tufweti solaka ‘ndwatulu ya delakana, tufweti zabaka ndilu zeto mpe tufweti bâka na mabanza ma mbote’; ntangu zazansoni tufweti monekaka mu mpila yi songela ti “ba kangama [twe] kwe Nzambi.” (1 Timote 2:9, 10, NWT) Taluzula mitieno mi mia miyà: 1) Binkuti bieto bifweti bâ “bia delakana.” Wayizi mona ku tukutakanu twa timvuka ti, bantu ba kanda dia Yehova nsololo za swaswana ze nawu, kâ ndwatulu’eto na nsuki zeto buzitu zisongelaka kwe Nzambi. 2) Bu “tuzabaka ndilu zeto” mu ndwatulu’eto, ka tulwata binkuti ko bi butisa bantu mabanza ma mbi. 3) Mbo tusongelaka ti “mabanza ma mbote” me neto bu tulembo bâka na ndwatulu ye nsangu. 4) Ndwatulu’eto yifweti songela ti “ba kangama [twe] kwe Nzambi,” mpe ni Yandi tusambilaka.—1 Bisi-Korente 10:31.
2. Bu tusolaka nti tulwata mu bungu dia nti tufweti banzilaka mpangi zeto?
Ni bu sa ti nswa we neto wasola nti tulwata, tufweti banza nsobolo yilendi nata ndwatulu’eto kwe bantu. Ngolo tusarilaka mu lembo fwemesa muntu, kâ mu ‘tâ bampwana’[eto] nsayi mu bungu dia bubote bwawu, mu ba tunga.’—Tanga Bisi-Rome 15:1, 2.
3. Bwe ndwatulu’eto yilendi tuma bantu mu zaba Yehova?
Ngolo tuvulu sarilaka mu lwata mu mpila ya mbote, kâ keba tutomo saka mu binkuti bi tulwataka ku tukutakanu na bu tusamunaka. Ka tuzololo’â ko tavweza nsangu za mfunu zi tusamunaka. Buna, ndwatulu’eto mbo yibenda bantu ku matieleka mpe mbo “yitomesa ndongosolo ya Mvukisi’eto.”—Tite 2:10.
YIKA NDILU
Tataluzula bwe tulendi bêla na lukwikulu ti binkuti bieto na mpila yi tumonekenaka yidelakane na ya Bakristo.
Mpila yi tumonekenaka yilendi songela tala ti buzitu bwe neto kwe bantu bê na timfumu. Ni bu sa ti Yehova mutima’eto kamonaka, mpila yi tumonekenaka yifweti songela mpe buzitu bweto kwe Yandi
4. Bu tumonekaka mu mpila ya mbote Nzambi tuzitisaka
Mu bungu dia ntia musamu wa mfunu tubelokelaka lwaka mpila yi tumonekenaka? Tangeno Mikunga 47:2, mpe zonzeleno biyuvu ebi:
Mu bungu ti Nzambi tumonekesaka, bwe musamu wo wulendi sobesela mpila yi tulwatilaka?
Ngano benzi ti wadelakana wena mu belokela lwaka mpila yi tumonekenaka bu tukwendaka ku tukutakanu na bu tusamunaka? Mu bungu dia nti?
5. Nti bitubakisa mu sola binkuti bieto na mpila yi tumonekena
Ni bu sa ti binkuti bieto ntalu biena peleko kâni, bifweti bâ bia tsema mpe bia delakana mu mbuka ni mbuka yi tubâ. Tangeno 1 Bisi-Korente 10:24 na 1 Timote 2:9, 10. Ha manima zonzeleno misamu mi fweti sa ti ta lembo lwata binkuti . . .
bie ni tsatsa.
bidiaka nitu, bimonekesaka biabiansoni, na bivumbulaka nsatu ya vukasa nitu.
Ni bu sa ti Bakristo ka bena na nsatu ya landa Musiku wa Mose ko, kâ balendi longoka misamu miamingi mitariri mabanza ma Yehova. Tangeno Lubambu 22:5, mpe zonzeleno tiyuvu eti:
Mu bungu dia nti tufweti lembo lwata binkuti bimonekesaka bakala ntiana mukento, peleko mukento ntiana bakala?
Tangeno 1 Bisi-Korente 10:32, 33 na 1 Za 2:15, 16, mpe zonzeleno biyuvu ebi:
Mu bungu dia nti tufweti dinga mu zaba tala ti ndwatulu’eto bantu ba tizunga tieto yita fwemesa peleko mu timvuka?
Ntia ndwatulu ye nsangu mu tizunga tiaku?
Ngano benzi ti ndwatulu ye kô yilembolo ya delakana ko na Bakristo? Mu bungu dia nti?
Tulendi lwata mpe tulendi kipa nitu’eto mu mpila za swaswana ziyangirikaka Yehova
TALA TI BAKUTÊLELE: “Nswa we nani wa lwata bina binzololo.”
Ngano wata tambula? Mu bungu dia nti?
MU BUKUFI
Bu tubongaka nzengolo za mbote zitariri ndwatulu’eto na mpila yi tumonekenaka, buzitu tusongelaka kwe Yehova na kwe bantu bakaka.
Biyuvu bia mbambukulu
Mu bungu dia nti ndwatulu’eto na mpila yi tumonekenaka ye mfunu kwe Yehova?
Ntia mitieno milendi ku twarisa mu nzengolo zaku zitariri mpila yi monekenaka?
Bwe mpila yi tumonekenaka yilendi sobesela mpila yi mwinaka bantu nsambululu ya matieleka?
ZABA BIAKAKA
Tala misamu milendi banza bantu mu beto bu bamonaka binkuti bieto.
“Bwe nimonekenaka ha meso ma bantu?” (Mutu-diambu wa mu Internet)
Zaba mu bungu dia nti tusarila ndwenga mu toko banza misamu milendi tuturila ntete tasa tatouage.
“Bwe Bibila ditâka mu tatouage?” (Mutu-diambu wa mu Internet)
Taluzula mitieno miakaka milendi ku twarisa mu nzengolo zaku.
“Ngano ndwatulu’aku Nzambi yikembelaka?” (Nzo ya Zangama ya Munkengi, septembre 2016)
Bwe mukento wumosi wayizi bêla na mabanza ma delakana mu nsololo za bantu bakaka zitariri ndwatulu?
“Ndieri banzaka ti bumpala bwa mbi bwena” (Réveillez-vous!, 22 décembre 2003)