Bantu nana bavûka

Noa, kanda diandi na bibulu bakota mu nzaza. Yehova wakanga mwelo, mpe mvula yabatika mu noka. Mvula yingi kwa yanoka, nzaza ni yabatika mu yangama. Mamba mafulusa mutoto wawansoni. Ku mbazi, bantu babansoni ba mbi bafwa. Kâ Noa na kanda diandi mu tidzunu babâ mu kati dia nzaza. Banza’eti, nsayi yayingi yabâ nawu ya tumama kwe Yehova.

Mvula ya ngolo yanoka bilumbu 40 na mpimpa 40, mpe mvula yawa. Mamba mabatika mu sika malembe-malembe. Ha manima, nzaza yatensama ha zulu mongo. Kâ mu bungu ti mamba mamingi mabâ ha mutoto, Noa na kanda diandi ka balenda ko mu kulu duka mu nzaza.

Malembe-malembe mamba masika. Noa na kanda diandi batatamana mu bâ mu nzaza yôka mvula yimosi ya mukaka. Yehova watâ ti lenda diabâ nawu dia duka. Bawu batomo vutula matondo kwe Yehova wabavûkisa, mpe bayizi mu hana mukayulu.

Mukayulu wo watâ Yehova nsayi. Yandi wakanisina ti ka keti’â vutu honda bantu mu Delize ko. Mu hana tidimbu mu bungu dia kani dio, Yandi wadukisa lukandu lwa ntete peleko arc-en-ciel. Ngano lukandu lwa weka mona?

Yehova watâ mpe kwe Noa na kanda diandi mu buta bala na mu fulusa mutoto.