Matayo
28 Sabato goti, Yenga ddo kana ya kwanza ddo dyi, Maria Magdalene ma, nja d’i Maria ma na singʉe kabuli djo, go nga nyǒ tso ngʉ bbʉ ro.
2 Ndirigoti Anja! Ddikpa bbò rɨ dangʉe dhonalo kʉ Yova* dhó malaika singʉe ra nǎ ro, ke dzengʉe fø dju dze ndirigoti ke ngʉ di ri djó. 3 Ke ndí ronga ngʉ chá vo bbai ndirigoti ke ró rù ngʉe sawø thokpa bbai. 4 Kabuli ronga ngʉ b’o ná kpa na do tangʉe bbo nari dho, kpa ronga ngʉ tata ndirigoti kpa ngʉngʉe che cheni ná ndrŭ bbai.
5 Ro, malaika pongʉeri fø isɨ ndrŭ dho: “Nzɨ ni nji do. Ma chu ni tsú badjo ndrŭ tɨngʉe ná Yesu ne nari chu. 6 Ke nga kʉ iga ri, ke gaga, ddiddi ke pongʉeri nari bbai dhé. Anisi nja ni nja ke le lae ná nga d’e. 7 Føri dho, anira lele ni rá ripo ke unakpa dho, ke gaga ndirigoti ke da ni njí Galilea nǎ. Ni si nju ke na følu. Føri i kʉ ma e ji ma po ni dho ná lo.”
8 Føro fø isɨ ndrŭ rangʉe lele kabuli djó ro, do na ndirigoti bbò kʉ ná hwè na ndima kʉ ro. Føri goti ndrŭ d’angʉe fø lo d’ra Yesu unakpa dho. 9 Ndirigoti Anja! Yesu njungʉe fø ndrŭ na ro, ke pongʉeri ndrŭ dho: “Yambø.” Føro ndrŭ ndringʉeni ke dhi ngana ro, ndrŭ kongʉeni ndima d’eti djo ke nji ndirigoti ndrŭ løngʉe ke kó. 10 Føri goti Yesu pongʉeri ndrŭ dho: “Nzɨ ni nji do. Anira ri d’ra ma djoi dho ndiro kpa rá Galilea na d’e dhonalo følu i kpa si ma nja.”
11 Go fø ndrŭ ngʉ ra chu nǎ ro, kabuli ronga ngʉ b’o ná kpa kana ro nja kpa rangʉe vile na ndirigoti kpa d’rangʉe nji njini ná lo krʉ bbakuhani djó bbobbonga dho. 12 Føro b’lo kpa nju ndima tso ngó kpa na ndirigoti b’lo ndima tilo ndima kana nari goti, kpa bbʉngʉe mbøkpa bí fø bbasødda dho, 13 ndirigoti kpa pongʉeri: “Anipori, ke unakpa si kuna ddo ko ddo ro ndirigoti kpa d’ù kedzá bʉ d’u. 14 Ndirigoti, njati guverner rr fø lo ró, ko si ri nanga tutu* ke dho; føri dho ni nji do ná lo ro nga kʉ ri.” 15 Føro, kpa kongʉe fø mbø ndirigoti kpa njingʉeri ndima dho le poeri nari nganga bbai. Ndirigoti fø lo nanga plirieni Wayaudi kalu kpø njʉnga djo.
16 Ro, ke una 11 kʉ ná kpa rangʉe Galilea na, ke pongʉe ndima si nju kpa na djo ná ngøtsɨ djo. 17 Ke kpa nja ro, kpa kongʉeni ke nji ndima d’eti djo, ro nja kpa nanga i ngʉ rɨni rɨ. 18 Yesu ndringʉeni kpa kuso ro, ke pongʉeri kpa dho: “Krʉ kʉ ná bbonga bbʉni madhó, rie ra nǎ ma inga dz’ djó ma ró. 19 Føri dho, anira ni njí ndrŭ ma unakpa krʉ kʉ ná ndrŭ tsɨ kana ro. Ni bbʉ batiso kpa dho Baba ró dho na, le Ddù ró dho na ndirigoti roho takatifu ró dho na, 20 ndirigoti ni ddiri kpa dho kpa njinjí ni dho ma ja ná lo krʉ na. Ndirigoti aninja! Ma sie ni na krʉ ddo ró kpø nga* sini ná nga djo.”