Matayo
1 I ri kʉ Yesu Kristo,* Daudi dhi dduna, Abrahamu dhi dduna si nǎ ro ná gø djó lo* le ndi nǎ ná buku.
2 Abrahamu gøngʉe Isaka;
Isaka gøngʉe Yakobo;
Yakobo gøngʉe Yuda ma, ndi djoi ma na;
3 Yuda gøngʉe Pereze ma, Zera ma na, kpadhi mama ngʉe Tamara;
Pereze gøngʉe Ezromi;
Ezromi gøngʉe Ramu;
4 Ramu gøngʉe Aminadabu;
Aminadabu gøngʉe Nasoni;
Nasoni gøngʉe Salmoni;
5 Salmoni gøngʉe Boazi, kedzá mama ngʉe Rahabu;
Boazi gøngʉe Obedi, kedzá mama ngʉe Ruta;
Obedi gøngʉe Yese;
6 Yese gøngʉe Pi Daudi;
Daudi gøngʉe Sulemani, Uria bbá le na;
7 Sulemani gøngʉe Rehoboamu;
Rehoboamu gøngʉe Abiya;
Abiya gøngʉe Asa;
8 Asa gøngʉe Yoshafati;
Yoshafati gøngʉe Yorama;
Yorama gøngʉe Uzia;
9 Uzia gøngʉe Yotamu;
Yotamu gøngʉe Ahazi;
Ahazi gøngʉe Ezekia;
10 Ezekia gøngʉe Manase;
Manase gøngʉe Amoni;
Amoni gøngʉe Yosia;
11 Yosia gøngʉe Yekonia ma, ndi djoi ma na, Babiloni na le mbangʉe ndrŭ ná saa na.
12 Babiloni na le mba ndrŭ nari goti, Yekonia gøngʉe Salatiel;
Salatiel gøngʉe Zerubabeli;
13 Zerubabeli gøngʉe Abiudi;
Abiudi gøngʉe Eliakimu;
Eliakimu gøngʉe Azori;
14 Azori gøngʉe Sadoki;
Sadoki gøngʉe Akimu;
Akimu gøngʉe Eliudi;
15 Eliudi gøngʉe Eleazar;
Eleazar gøngʉe Mata;
Mata gøngʉe Yakobo;
16 Yakobo gøngʉe Yosefu, Maria bbáke, ná fø le gøngʉe Yesu, Kristo le ndi nzi ro.
17 Føri dho, Abrahamu djó ro kpø Daudi djo gø kʉ 14; Daudi djó ro kpø Babiloni na le mba ndrŭ ná nga djo gø kʉ 14; Babiloni na le mba ndrŭ ná nga djó ro kpø Kristo djo gø kʉ 14.
18 Yesu Kristo gøngʉeni i ri bbai: Kedzá mama Maria ngʉ si køni Yosefu dho. Ro, ndoa kpa chi nari njí, ri rangʉe bani nari kʉ, Maria kʉ lɨnga na roho takatifu* chulu. 19 Nì mai ri kʉ fø ro, Yosefu* ngʉe chølo dhi ke nari dho ke nzá jingʉeri ndi pá do le djo ndrŭ nyǒ njí ri, ná føri dho ke ngʉ rine ndi bbá* le nzá nga ndrŭ chu ro. 20 Fø lo djo ke ddinga nari goti, Anjari! Yova* dzá malaika dhongʉe ndi ke dho ddikpa nyo nǎ, ndirigoti malaika pongʉeri: “Yosefu, Daudi ddù, nzɨ nji nibbá le Maria ni tsu ni bba nari do, dhonalo fø lɨnga le ba roho takatifu chulu. 21 Le si kpetsi ngba gø ndirigoti ringani ni li fø ngba ró dho Yesu,* dhonalo ke si ndidzá ndrŭ tsɨ gø ndima dhi chenga nǎ ro.” 22 Fø lo krʉ si njini ndiro Yova* pongʉe ndidzá nabi chulu ná i lo njini d’e: 23 “Nzá ro d’e ddo kpetsi ke na ná singba ngba si lɨnga ba, ngba si kpetsi ngba gø ndirigoti fø ngba ró dho ndrŭ si nzi Emanueli,” ná føri na mana kʉ “Mungu kʉ ddinga ko na.”
24 Føri goti Yosefu chengʉe ddo nǎ ro ndirigoti ke njingʉeri Yova* dhó malaika d’rae ndi dho nari nganga bbai. 25 Ro, ke ro nzá ddongʉe le na kpø le kpetsi ngba gø ná nga djo ri ndirigoti ke lingʉe ngba ró dho Yesu.