Tito

3 Adi ringano kpa dho nari kʉ, kpa di djøni djø ndirigoti kpa di ngarr guvernema ma, bbobbonga na kʉ ná kpa ma na dho, kpa é tayari bblo kʉ ná njí krʉ njidha dho, 2 nzɨ kpa di chelo ro ti ddikpa le djo maddi, nzɨ kpa di gʉni gʉ, nzɨ kpa di tøni ndima ji ná lo djo dhé ndirigoti kpa é nì ndima djøni djø krʉ kʉ ná ndrŭ laidjo ro. 3 Dhonalo anziro ko maddi ngʉe rrchu ná ndrŭ, nzɨ ngarr ná ndrŭ, sha shani ná ndrŭ, njonjo kʉ ná tamaa ma, hwè ma na dhi nokpá ndirigoti ko ngʉ ra anzi chelo ma, dda ma na ko nji nari na, ko ngʉe o tss o ná ndrŭ, ndro ko ndroni ko kana ro.

4 Ro, kodhi Gødha ba Mungu dhongʉe bblonga ndirigoti ndidzá jidha ndrŭ tsɨ dho ná saa na, 5 (ri nga kʉ ko njingʉe chølo nari djotsina ri, ro ke nganga dzá zølo dzá lo dho) ke gøngʉe ko, ko ronga ndi ʉngʉe shinga badha dho nari chulu ndirigoti ke lingʉeri ko ngʉ wø roho takatifu chulu. 6 Ke d’røngʉe ndidzá roho bbo pli* ko djo kodhi Gødha ba Yesu Kristo chulu, 7 ndiro b’lo le nzi ko chølo dhi ndrŭ fø ke dzá nzá tso ka ndi koe le djo ná zølo chulu nari goti, ri kaka ko dho ko ngʉ wɨ ritsi ba ná ndrŭ cho ró nŭnŭ shinga dhi ngab’odha ró ro d’e.

8 Føri kʉ ngbà djo le ka le li le thí ná lo ndirigoti ma jiri ni ngʉ fø lo djolu bí ina ndiro ngbà u Mungu ná ndrŭ li ndima thí bblo kʉ ná lo njidha djo d’e. Føri kʉ tho thonga ná lo ndirigoti ri kʉ faida ndrŭ dho.

9 Nzɨ gba ni tso nga na mana kʉ ná lo djó lé le tsonga lé nari ma, le bbui ró dho djo ndini ná lo ma, gʉ le gʉni nari ma, Yadha djó le ddani nari ma na na, dhonalo fø ritsi nǎ nga kʉ faida ro ri ndirigoti ri kʉ pá. 10 Ndondo li ndrŭ kana ná ke dho agʉlo* ya kwanza ndirigoti ya pili, ná føri goti apʉ ke pʉ ni ró ro. 11 Achuri chu nari kʉ fø di ná ke bba bblo kʉ ná chu bba, ke chenga nji ndirigoti ke d’ilo ndi djó ndi ndiro.

12 Artema inga Tikiko ma si cho ni dhi ngana ná saa na, anji ni dho ka ná lo krʉ, ndiro ni si ma dhi ngana Nikopolis na, dhonalo ma vʉri ma di grì dhi saa na føga. 13 Anji kpakpanga ni kó Apolo ma, bbo churie Yadha ná ke Zena ma na tsotso ndiro nzɨ kpa kosa ddikpa ritsi ro maddi ndima dhó bbi kana ró. 14 Ro, abbari ko bbá ndrŭ ma chu bblo kʉ ná njí na le ra anzi nari nga ddi ndiro kpa si ngatsotso ko lele ri si riu le kó lo tsotso ná saa na, ndiro kpa di ndima kpa óo d’e.

15 Ko kʉ na ná kpa krʉ ndima dhó zʉdha chó ni dho. Abbʉ madzá zʉdha ngbà jirie ko ná ndrŭ dho, udha kana ndima kʉ ro.

Nzá tso ka ndi koe le djo ná zølo é ni krʉ na.