Ni tsotso ka ndi kó ná lo ndiro ni di Biblia zø krʉ ddo ró d’e

Maisha nǎ ko ka ko njí ná lo kʉ bí nari dho, nja saa na ká Biblia ni zø krʉ ddo ró nari e kpakpa ni dho? (Yos. 1:8) Njati rié fø ró, ambu i lo kana ddiri ro:

• Ali krʉ ddo ró ka ndi di ni djǒ ngano ná ritsi. Ali alarme nidhó telefone na ndiro ri di Biblia zødha dhi saa ngano ni dho d’e.

• Ali nidhó Biblia ngbà ni ka ni di ri nja ná ngana. Njati rié papie dhi Biblia ni adi zø ró, ali ri ngbà ni ka ni di ri nja krʉ ddo ró ná ngana.​—Kum. 11:18.

• Adi lø chu le lø ná ri rr. Njí ni nji ná saa na, adi Biblia nǎ lø chu le lø ná maandiko rr. Painia kʉ ná le-ve Tara adi njínji kuna ndirigoti le kʉ dzai, le pori ɨ: “Adza njí ma nji ná saa na, ma adi lø chu le lø ná maandiko rr, ná føri adi rili ma zø Biblia krʉ ddo ró.”

• Nzɨ d’i ji. Njati nzá djo ni ddienga ná lo ngbʉ nidhó programu nanga ró, ni ra ddo nari njí azø Biblia nǎ verse ro sese ma ngodhé. Ni ka ni ba faida bbo njati krʉ ddo ró ni di Biblia nǎ verse ro zø sese ma ró.​—1 Pe. 2:2.