Nidhó ngaddidha ká e addu Biblia djo?

BIBLIA RIPO Ɨ

“Krʉ kʉ ná andiko dho Mungu dhó roho dda chutso.”​—2 Timoteo 3:16, Tafsiri ya Ulimwengu Mupya.

RO NI KA NI BA NÁ FAIDA

Ni ka ni ba d’ʉ kʉ ná lo goti bbo adi ni djǒ hwi ná ngadhudha djo.​—Mezali 2:1-5.

Ni ka ni ba d’ʉ kʉ ná lojadha ndi ddá chutso ni dho ddo ró nzinzi.​—Zaburi 119:105.

Ni ka ni é d’ʉ kʉ ná ngab’odha na gosi ná ddo djo.​—Waroma 15:4.

KO KÁ KA KO U BIBLIA PO NÁ LO NGBÀ?

Ngbao. Biblia po ná fø lo ko ka ko u dho ná lo ro akopo gbo kpali:

• Ri nǎ lo tso gbani ddi ke ka ndi ké le nanga nari bbai. Nja Biblia ndidha tso dyani d’e cho dangʉe da 1600 djolu ndirigoti ri ndingʉe ná kpa ngʉe chødhø 40. Biblia ndingʉe ná kpa kana bí kʉ ná kpa ro nzá chungʉeni ndima kana ri. Nì mai ri kʉ fø ro, Biblia nǎ lo tso gbani ddi ndirigoti ri tilo ddikpa lo djo!

• Ri nǎ historia kʉ d’ʉ. Historia ndi ná kpa nzɨ adi ndima bbá ndrŭ dhó chelo ro ndi ri, ro Biblia ndi ná kpa nzá rungʉe ddikpa lo ro maddi ri; kpa ndingʉe ndima dhó chelo ma, ndima dhó bbu nǎ ndrŭ nji ná chelo ma na pʉlʉpʉlʉ.​—2 Mambo ya Nyakati 36:15, 16; Zaburi 51:1-4.

• Biblia pongʉe ná lo ro nzá mangʉe ddikpa li ma nzá ndi nji ni ro ri. Biblia d’rangʉe Babiloni si sani nari cho 200 anzi ri sadha ba nari njí. (Isaya 13:17-22) Ri nzá tingʉe lo Babiloni si sani nari djo dhé ri, ro ri si sa ná ke ró dho djo maddi!​—Isaya 45:1-3.

  Biblia pongʉe ná nja lo ma njingʉeni ddi. Fø lo nzá ka ndi ké ko nanga ri, dhonalo Biblia kʉ Mungu dzá lo.​—2 Petro 1:21.