I dz’ djo adi pinyo nari ká kʉ ie?

BIBLIA RIPO Ɨ

‘I dz’ lú djo pinyo nari kʉ ddikpa che kʉ ná ke.’​—1 Yohana 5:19.

‘Mungu Ddù singʉe . . . ndiro ndi d’ø Ibilisi dhó njí tso d’e.’​—1 Yohana 3:8, New Century Version.

FØ LO NǍ RO NI KA NI BA NÁ FAIDA

Ni ka ni chu addudho ma kpakpalo kʉ dz’ djó bbo nari bblo pli.​—Ufunuo 12:12.

Ni ka ni uri u i dz’ djonga si ngʉ bblo nì.​—1 Yohana 2:17.

KO KÁ KA KO U BIBLIA PO NÁ LO NGBÀ?

Ngbao, Biblia po ná fø lo ko ka ko u dho ná lo ro akopo gbo kpali:

• Shetani dhó pidhinga djó lo d’ini bl’o. Yova lø chu bl’o ndi sa Shetani dhó pidhinga ndiro nzɨ ke nyopi ndrŭ djo ró. Ke pori ndi “si Ibilisi dhó njí sasa” ndirigoti ndi si Shetani bbʉ ná kpakpalo tso d’ø krʉ.​—Waebrania 2:14, Tafsiri ya Ulimwengu Mupya.

• Mungu vʉ Yesu ndi nyopi dz’ djo. Yesu kʉ njonjo pli Shetani ró ro. Shetani kʉ bbo tsɨ sani ná ke, ndi nganga dzá bblonga dhé adi ne ná pi. Yesu dho pidhinga djo Mungu tsoni ɨ: ‘Ke si ngaddi vʉ tso vʉni ná ndrŭ ma, njedha dhi ndrŭ ma na djo. Ke si ndrŭ tu nzadha nǎ ro ndirigoti nza adi ndrŭ nzá ná kpa dho ro.’​—Zaburi 72:13, 14.

• Mungu nzá ka ndi shá kali ro ri. Biblia ripo pʉlʉpʉlʉ ɨ ‘Ri ro nzɨ ka Mungu shá kali ro ri.’ (Waebrania 6:18) B’lo Yova po ná lo ro nzɨ adi má pá ri. (Isaya 55:10, 11) ‘I dz’ djó pi le si pʉpʉ.’​—Yohana 12:31.