2SOMO 54
“Nyodyu dhi chi njí dhi noke” ká kʉ ie ndirigoti kedhó njí ká kʉ addu?
Yesu kʉ Wakristo dhó kutaniko djó bbonga. (Waefeso 5:23) Yesu adi chutso ddá ra nǎ ro ndi unakpa dho “nyodyu dhi chi njí dhi noke” chulu. (Azø Matayo 24:45.) Fø “noke” Yesu li ndirigoti Yesu bbʉ bbonga ke dho ndiro ke vʉ nja lo nanga d’e. Godhé ke dho ringani ndi rrnga Yesu dho ndirigoti ndi kó Yesu djoi tsotso. Fø noke ká kʉ ie? Nde fø noke ká ko ronga b’o ngbaribbai?
1. “Nyodyu dhi chi njí dhi noke” ká kʉ ie?
Drrdrr nga djó ro, Yova adi njínji ddikpa ke na inga nju tso njuni ná nga bí kʉ ná kpetsi kpa na ndiro kpa ddá chutso ndidzá ndrŭ dho d’e. (Malaki 2:7; Waebrania 1:1) Yesu dhengʉe nari goti, mitume ma, Yerusalemu nǎ wazee ma na ngangʉe chutso ndima ddá nari tso. (Matendo 15:2) Fø kpa dhó loroji ndima dyø ro, nju tso njuni ná nga bí kʉ ná wazee, føri kʉ Yova dzá Dimu dhó Lo dho chutso ddá ná Baraza nǎ kpa, ná kpa adi kiroho nǎ nyo bbʉ ndirigoti kpa adi chutso ddá lod’radha dhi njí dho. Fø kikundi kʉ “Nyodyu dhi chi njí dhi noke [Yesu] li ndi ro.” (Matayo 24:45a) Lo dho chutso ddá ná Baraza nǎ kpa krʉ kʉ ché na le dri ná Wakristo, Mungu dhó Pidhinga nǎ ndima si pinyo Yesu ma na ra nǎ b’lo ndima dhe nari goti ro.
2. Chi njí dhi noke ká adi kiroho nǎ ngbá nyo bbʉ ko dho?
Yesu pongʉeri chi njí dhi noke si “nyǒ bbʉ [ndi lai Wakristo] dho ngbà thonga ná saa na.” (Matayo 24:45b) Ko nyo ná nyo adi kpakpanga bbʉ ndirigoti bblo afya bbʉ ko dho nari bbai, kiroho nǎ nyo inga Mungu dzá lo adi kodhó lo u ná kpakpanga bbʉ ko dho ndiro ko tøni chi Yova dho ndirigoti ko njí Yesu bbʉngʉe ko dho ná njí d’e. (1 Timoteo 4:6) Kiroho nǎ fø nyo ko adi ba njudha chulu ma, asamble chulu ma, vichapo chulu ma, ndirigoti video chulu ma, nari adi ko tsotso kó ndiro ko chú Mungu ji ná lo ndirigoti ri adi rili ko kana kau ngʉ kpakpa ke na.
ANE LONANGA BBO
Anja addudho ma ko dho lo u “Nyodyu dhi chi njí dhi noke” nari, føri kʉ Lo dho chutso ddá ná Baraza.
Lo dho chutso ddá ná Baraza adi kiroho nǎ nyo ma, chutso ddadha ma na bbʉ, ndirigoti kpa adi Yova dzá Dimu tsotso kó nja lo kana maddi dz’ djolu gble
3. Yova dzá ndrŭ dho ringani ndima kpeni kpe
Yesu dhó chutso ddadha chulu, Lo dho chutso ddá ná Baraza nǎ kpa adi Yova dzá Dimu dhó njí kpe, ddiddi Yesu ngʉ adi chutso ddá karne ya kwanza nǎ ngʉe ná Wakristo dho nari bbai. Aninja VIDEO.
Azø 1 Wakorinto 14:33, 40, ndirigoti anitilo i ngadhudha djo:
Yova jiri ndidzá ndrŭ kpeni kpe nari ká i andiko dhǒ ngbaribbai?
4. Chi njí dhi noke adi kodhó lod’radha dhi njí kpe
Lod’radha dhi njí ngʉe bbo na mana kʉ ná njí anziro ngʉe ná Wakristo dho. Azø Matendo 8:14, 25, ndirigoti anitilo i ngadhudha djo:
Anziro ngʉe ná Wakristo kana ká ie ngʉ adi chutso ddá lod’radha dhi njí dho?
Petro ma, Yohana ma na ká njingʉeri ngbǎ ndima lai mitume jangʉe ndima dho ná lo dho?
Lod’radha kʉ bbo nǎ mana kʉ ná njí, Lo dho chutso ddá ná kpa adi ndi kpe ro. Aninja VIDEO.
Yesu dhongʉe ngbaribbai ma lod’radha dhi njí na mana kʉ bbo nari. Azø Marko 13:10, ndirigoti anitilo i ngadhudha djo:
Lo dho chutso ddá ná Baraza ká adi lod’radha dhi njí nja mana na bbo addudho?
Ká addudho kodhó loji “nyodyu dhi chi njí dhi noke” ndiro ndi kpe dz’ djolu gble njini ná njí d’e?
5. Chi njí dhi noke adi chutso ddá ko dho
Lo dho chutso ddá ná Baraza nǎ kpa adi chutso ddá dz’ djolu gble kʉ ná Wakristo dho. Nde kpa ji ndima ja ná lo nanga ká kpa adi vʉ ngbaribbai? Akonja ngbaribbai ma karne ya kwanza nǎ ngʉe ná lo dho chutso ddá ná baraza ngʉ adi fø lo nji nari. Azø Matendo 15:1, 2, ndirigoti anitilo i ngadhudha djo:
Addui ká lingʉeri karne ya kwanza nǎ ngʉe ná Wakristo rrni nzá ndima kana?
Paulo ma, Barnaba ma, ndirigoti nja ndrŭ ma na ká nengʉe ndima tsotsokodha ie dhó ro ndiro ndima ndó fø lo nanga d’e?
Azø Matendo 15:12-18, 23-29, ndirigoti anitilo i ngadhudha djo:
Lo nanga vʉdha njí, ká karne ya kwanza nǎ ngʉe ná lo dho chutso ddá ná baraza nǎ kpa njingʉeri ngbà ndiro ndima ba Mungu dhó chutso ddadha fø lo djo d’e?—Anja verse 12, 15, ndirigoti 28.
Azø Matendo 15:30, 31 ndirigoti 16:4, 5, ndirigoti anitilo i ngadhudha djo:
Karne ya kwanza nǎ ngʉe ná Wakristo ká njingʉe ngbá lo, lo dho chutso ddá ná baraza nǎ kpa jangʉe ndima dho ná lo djo?
Kpa rrngʉe nga nari ronga ká Yova lengʉe ngbaribbai?
Azø 2 Timoteo 3:16 ndirigoti Yakobo 1:5, ndirigoti anitilo i ngadhudha djo:
Njʉ ká Lo dho chutso ddá ná Baraza nǎ kpa adi ndima tsotsokodha ne ngbaga ro lo nanga ndima ji ndima vʉ ná saa na?
NJA NDRŬ ADI RIPO: “Njati ni di ngarr Lo dho chutso ddá ná Baraza nǎ kpa dho ró, føri na ni ndrŭ dyø.”
Lo dho chutso ddá ná Baraza dho Yesu adi chutso ddá nari ká addu dhǒ ni dho?
LO DZÁ DɄNGA
Lo dho chutso ddá ná Baraza kʉ “Nyodyu dhi chi njí dhi noke” Yesu li ndi ro. Kpa adi chutso ddá ndirigoti kpa adi kiroho nǎ nyo bbʉ dz’ djolu gble kʉ ná Wakristo dho.
Lo djolu le ngʉ nari
“Nyodyu dhi chi njí dhi noke” ká ie li?
Lo dho chutso ddá ná Baraza nǎ kpa ká adi ko ronga b’o ngbaribbai?
Ni ká uri u ngbà nari kʉ Lo dho chutso ddá ná Baraza kʉ “nyodyu dhi chi njí dhi noke”?
NI KA NI CHU NÁ NJA LO
Anja ngbaribbai ma Lo dho chutso ddá ná Baraza adi ndima nji ná njí kpe nari.
“Baraza Yenye Kuongoza ya Mashahidi wa Yehova Ni Nini?” (Jw.org djó kʉ ná lo)
Aneri ni chu ngbaribbai ma Lo dho chutso ddá ná Baraza adi kpakpanga nji nja ko ba kiroho nǎ bblo thonga ná nyo d’e nari.
Yesu bbʉ Lo dho chutso ddá ná Baraza dhó ná njí ká kpa adi nja ngbaribbai?
Lo dho chutso ddá ná Baraza dho Yova adi chutso ddá nari ká kodhó njudha ma, asamble ma na adi dhǒ ngbaribbai?