Atilo ni adi loti nari dha

Filipo njingʉe ná lo

VIDEO: Filipo lod’ra Etiopia nǎ Towashi kʉ ná ke dho

1. Anja VIDEO, inga azø Matendo 8:30, 31. Føri goti addinga i ngadhudha djo:

1. Filipo ká ngangʉe lo tso ngbaribbai?

2. Føri ká ngʉe bblo kʉ ná chu nǎ ke nga lo tso ri addudho ndiro ndi d’ra nzá fø ke d’engʉe chu ná bbʉbbʉlo ke dho d’e?

Ko ká ba ngbá somo Filipo dhó lo nǎ ro?

2. Njati ko di loti nì ko adi loti nari bbai ró, ri ka ndi é dhʉdhʉ ndrŭ d’ra ndima ddi ná lo ndirigoti ndrŭ rr ko d’ra ná lo.

Adyø Filipo

3. Adi lo nja bblo. Ni ka ni chu lo bbo ndrŭ djo njati ni nja ngbaribbai ma ndrŭ tøni nari ma, ndrŭ nji ná jeste ma, ndrŭ nyǒ djó nga ma na ró. Le ká kʉ tayari i nì nja ndi tilo ni na d’e? Ni ka ni nga Biblia nǎ lotidha tso ndrŭ na i mai ni ri ro dhu nari chulu, “Ni ká churi ngbà nari kʉ . . . ?” Nzá jiri ndi tilo ni na ná le nzɨ cho kpakpanga na lotidha dho.

4. Adi ngatsovedha na. Nzɨ di riddi nari kʉ ni dho ringani ni nga Biblia nǎ bbʉbbʉlo tso thei. Ab’o ngbà thonga ná saa ndiro ni tilo nì ni adi loti nari bbai d’e. Nja saa na, føri ka ndi uri ni si loti ke na luti.

5. Adi nidhó lo thika ø ni si ro ná hali ró ro. Njaro ndrŭ ka ndima tilo nzá djo ni ddinga ná lo djo. Føri dho adi tayari ni d’ra ngbà ka ndi kó ni si ro ná le tsotso ná lo, njati føri uri ni ø b’lo ni kpee ni si djo loti ná verse thika ø ma ró.