Ukumbusho dho ali muradi ro ni nji

Krʉ cho ró, Yova dzá Dimu adi ndima tso njú ddi ngana Yesu dzá dhe nga nodha dho. Ukumbudho si da nari njí ndirigoti ri da nari goti, ri adi ngani ko bbʉ madha ndirigoti ko po mbai Yova dho ke bbʉ le ødha dhi be ko dho nari dho. (Efe 1:3, 7) Loroji na, ko adi kpakpanga nji nja ko nzi nja ndrŭ ro maddi ukumbusho dho d’e. Nja ndrŭ adi ndima dhó programu kpe ndima é painia musaidizi bi gbo inga bi tho na d’e ndirigoti fø bi na kpa adi saa bbʉ 30 inga 50. Ni ká ka ni jiri ni ndri lod’radha dhi njí nanga ro nzá ukumbusho dhi saa na? Ni tsotso ká addu ka ndi kó ndiro fø lo njini njí ni dho d’e?

Ko adi bí kʉ ná lo nji bí ina njati ko pɨ ri nzina ró. (Mez 21:5) Ukumbusho dhi ddo kʉ chøchø nari dho ringani ko kpé kodhó lo kpadjo dhé. Addinga ngbaribbai ma ni ka ni njí lod’radha dhi njí nari djo, ndirigoti addinga nidho ringani ni vʉ nanga ná lo djo nja ni tso si fø muradi djo d’e. Ndirigoti anziri Yova lé nidhó kpakpanga ronga.​—1Yo 5:14, 15.

Ni ká ddinga ro lod’radha dhi njí nanga ni ka ni ndri lu ná nja chu ro djo ddi ukumbusho dhi saa na?