Ko adi ji ko ddi ná bbʉbbʉlo

Yesu pongʉeri nari kʉ, nì thí kʉ bblo ná ndrŭ si kʉ bbʉbbʉlo utso d’i ri ndima rr ná saa na. (Yoh. 10:4, 27) Føri dho, rie ngbá saa na ma ko loti ndrŭ na ri ró, ko adi riji ko d’ra Biblia nǎ bbʉbbʉlo. Amburi ni ngá lod’radha tso ro i ngadhudha na: “Ni ká churi ngbà nari kʉ . . . ?” inga “Ni ká d’erie ri ro rr nzá nari kʉ . . . ?” Føri goti anjinjí fø lo tso nju na ná andiko na ndiro ni tu bbʉbbʉlo nanga d’e. Sese dhé ni d’ra Biblia nǎ bbʉbbʉlo nari na ni ka ni zʉ bbʉbbʉlo kpa ndrŭ thí na ndirigoti Mungu ka ndi liri ri dhidhi!​—1 Ko. 3:6, 7.

• Gosi ná ddo

• Familia

• Mungu

• Sala

• Yesu

• Mungu dhó Pidhinga

• Nzadha

• Dhe

• Dini

GOSI NÁ DDO

1. 1. Njʉ njini ná lo ma, ndrŭ dhó nyi ma na ridho lo thika si øni ná ddo kʉ chøchø.​—Mt. 24:3, 7, 8; Lu. 21:10, 11; 2 Ti. 3:1-5.

2. 2. Dz’ ro nzɨ si sani ngbá dyi maddi ri.​—Zb. 104:5; Muh. 1:4.

3. 3. Dz’ djó nga sa ná ritsi ki ro nga sie ri ndirigoti dz’ si ngʉ paradiso.​—Isa. 35:1, 2; Ufu. 11:18.

4. 4. Ndrŭ krʉ sie kaka ná le ndí na.​—Isa. 33:24; 35:5, 6.

5. 5. Ri ka ndi kaka ni di theinga dho dz’ djó.​—Zb. 37:29; Mt. 5:5.

FAMILIA

1. 6. Kpetsi ke dho ringani ndi “ji ndibbá le ndi nganga bbai.”​—Efe. 5:33; Kol. 3:19.

2. 7. Isɨle dho ringani ndi bbʉ heshima bbo ndibbá ke dho.​—Efe. 5:33; Kol. 3:18.

3. 8. Kpetsi ke ma, isɨle ma na dho ringani ndima é chi ndima kana.​—Mal. 2:16; Mt. 19:4-6, 9; Ebr. 13:4.

4. 9. Nì heshima bbʉ ndirigoti nì ngarr ndima dhi gø dhi ndrŭ dho ná nzø dhó lo si bbi bblo.​—Mez. 1:8, 9; Efe. 6:1-3.

NASA, ESA and the Hubble Heritage Team (STScI/​AURA)-ESA/​Hubble Collaboration. Licensed under CC BY 4.0. Source.

MUNGU

1. 10. Mungu e ndi ró dho na. ​—Zb. 83:18; Yer. 10:10.

2. 11. Mungu adi loti ko na. ​—2 Ti. 3:16, 17; 2 Pe. 1:20, 21.

3. 12. Mungu e chølo dhi ke ndirigoti ke nzɨ adi ndrŭ nanga krø ri.​—Kum. 10:17; Mdo 10:34, 35.

4. 13. Mungu jirieri ndi kó ko tsotso ko.​—Zb. 46:1; 145:18, 19.

SALA

1. 14. Mungu jirieri ko di nganzi ndi tso.​—Zb. 62:8; 65:2; 1 Pe. 5:7.

2. 15. Biblia ngbaribbai ma ko ka ko njí sala nari ngaddi ko dho.​—Mt. 6:7-13; Lu. 11:1-4.

3. 16. Ringani ko di nganzi bí ina.​—Mt. 7:7, 8; 1 Te. 5:17.

YESU

1. 17. Yesu ngʉe bbò mwalimu ndirigoti kedhó shauri njínji njʉ maddi.​—Mt. 6:14, 15, 34; 7:12.

2. 18. Yesu d’rangʉe njʉ ko adi nja ná lo b’lo anziro.​—Mt. 24:3, 7, 8, 14; Lu. 21:10, 11.

3. 19. Yesu kʉ Mungu dzá ngba.​—Mt. 16:16; Yoh. 3:16; 1 Yo. 4:15.

4. 20. Yesu nga kʉ Ritsi ddi na ka ná Mungu ri.​—Yoh. 14:28; 1 Ko. 11:3.

Based on NASA/Visible Earth imagery

MUNGU DHÓ PIDHINGA

1. 21. Mungu dhó Pidhinga kʉ nì kʉ ra nǎ ná guvernema.​—Da. 2:44; 7:13, 14; Mt. 6:9, 10; Ufu. 11:15.

2. 22. Mungu dhó Pidhinga si ndrŭ dhó guvernema thika øø.​—Zb. 2:7-9; Da. 2:44.

3. 23. Mungu dhó Pidhinga dhé si ndrŭ dhó kpakpalo tso d’ø.​—Zb. 37:10, 11; 46:9; Isa. 65:21-23.

NZADHA

1. 24. Mungu nzɨ adi nzadha ro bbʉ ko djo ri.​—Kum. 32:4; Yak. 1:13.

2. 25. I dz’ djo pinyo nari kʉ Shetani.​—Lu. 4:5, 6; 1 Yo. 5:19.

3. 26. Mungu adi ni nzani nari nja nì ndirigoti ke jiri ndi kó ni tsotso ko.​—Zb. 34:17-19; Isa. 41:10, 13.

4. 27. Karrnga goti Mungu si nzadha tso d’ød’ø.​—Isa. 65:17; Ufu. 21:3, 4.

DHE

1. 28. Checheni ná ndrŭ nzá chu ddikpa lo ro maddi ri; kpa ro nzɨ adi nzani ri.​—Muh. 9:5; Yoh. 11:11-14.

2. 29. Checheni ná ndrŭ nzá ka ndima kó ko tsotso inga ndima njí chelo ro ko ró ri.​—Zb. 146:4; Muh. 9:6, 10.

3. 30. Kodhi ji ko ji ná checheni ná ndrŭ si gaga.​—Yob. 14:13-15; Yoh. 5:28, 29; Mdo. 24:15.

4. 31. “Dhe le dhe nari ki ro sie nga.”​—Ufu. 21:3, 4; Isa. 25:8.

DINI

1. 32. Ri nga kʉ krʉ kʉ ná dini i adi Mungu nyǒ tho ná lo nji ri.​—Yer. 7:11; Mt. 7:13, 14, 21-23.

2. 33. Mungu ndrorie shasha ndro.​—Isa. 29:13; Mik. 3:11; Mk. 7:6-8.

3. 34. Bbʉbbʉ dini utso le adi d’i bbʉbbʉ jidha ró.​—Mik. 4:3; Yoh. 13:34, 35.